سکھر میں مبینہ پولیس مقابلہ ندیم علی شیخ ساتھیوں کی فائرنگ سے ہلاک
سکھر: سکھر میں سائٹ ایریا کے حدود میں پیر مسافر رنگ روڈ کے قریب مبینہ پولیس مقابلے کے دوران پیٹرول پمپ مالک کے قتل اور ڈکیتی کیس میں مطلوب مرکزی ملزم ندیم علی شیخ اپنے ہی ساتھیوں کی فائرنگ سے ہلاک ہو گیا۔
پولیس کے مطابق سکھر پولیس پٹرول پمپ مالک کے قتل و ڈکیتی کیس میں مطلوب ملزم کو تفتیش و تفتیش کے دوران برآمدگی کے لیے لے جا رہی تھی کہ سائٹ ایریا تھانے کی حدود میں پیر مسافر رنگ روڈ کے قریب چھپے ہوئے تین مسلح ملزمان نے پولیس پارٹی پر حملہ کر دیا۔ اس دوران جوابی کارروائی اور اپنے ہی ساتھیوں کی فائرنگ سے نیاز بگٹی قتل کیس میں ملوث مرکزی ملزم ندیم علی شیخ گولیاں لگنے سے موقع پر ہی جاں بحق ہو گیا، جبکہ حملہ کرنے والے اس کے تین دیگر ساتھی موقع سے فرار ہونے میں کامیاب ہو گئے۔
