غلام نبی میمن کو آئی جی سندھ بنانے کا فیصلہ، بڑے پیمانے پر بیوروکریٹ تبدیل ہونگے
سندھ میں حکومت بنانے والی جماعت پاکستان پیپلز پارٹی (پی پی پی) کی اعلی قیادت نے سندھ میں انسپکٹر جنرل (آئی جی) پولیس سمیت چیف سیکریٹری اور دیگر بیوروکریٹس کے تبادلے اور تعیناتی کی منظوری دیدی۔
سندھ میں نئی بننے والی حکومت محکمہ پولیس اور سول انتظامیہ میں بڑے پیمانے پر ردوبدل کرنے کی تیاری کر رہی ہے،غلام نبی میمن کو ایک دفعہ پھر آئی جی سندھ پولیس بنانے کا فیصلہ کرلیا گیا۔
وزیر اعلیٰ سندھ کی جانب سے آئی جی سندھ کیلئے غلام نبی میمن کا نام تجویز کیا گیا ، جس کے بعد پی پی قیادت نےآئی جی سندھ کیلئے غلام نبی میمن کے نام کی منظوری دے دی، آئی جی سندھ کی تعیناتی کا نوٹیفکیشن جلد جاری کیا جائے گا۔
دوسری جانب چیف سیکریٹری سندھ کیلئےآصف حیدرشاہ کانام فائنل کرلیا گیا ، آصف حیدر شاہ کی تعیناتی آئندہ چندروزمیں کردی جائے گی۔
اسٹیبلشمنٹ ڈویژن آصف حیدرشاہ کی تعیناتی کانوٹیفیکشن جاری کرے گا، آصف حیدرشاہ کمشنر کراچی، کمشنر حیدرآباد کے عہدے پر کام کرچکے ہیں۔
