سعودی عرب میں حوثیوں کے حملے میں زخمی ہونے والا ڈہرکی کا رہائشی احد حسین چاچڑ انتقال کر گئے
ڈہرکی : سعودی عرب میں حوثی باغیوں کے حملے کے دوران شدید زخمی ہونے والے سندھ کے شہر ڈہرکی کے رہائشی احد حسین چاچڑ زخموں کی تاب نہ لاتے ہوئے خالقِ حقیقی سے جا ملے۔ تفصیلات کے مطابق، احد حسین چاچڑ روزگار کے سلسلے میں سعودی عرب میں مقیم تھے، جہاں وہ حوثیوں کی طرف سے کیے گئے حملے کے نتیجے میں شدید زخمی ہو گئے تھے۔ انہیں فوری طور پر طبی امداد کے لیے اسپتال منتقل کیا گیا تھا، جہاں وہ چند روز زندگی اور موت کی جنگ لڑنے کے بعد دورانِ علاج دم توڑ گئے۔
