سیکرٹری ورکس اینڈ سروسز سندھ عمران عطا سومرو انتقال کر گئے
![](https://sindhmatters.com/wp-content/uploads/2023/05/723705_38918221.jpg)
سیکرٹری ورکس اینڈ سروسز عمران عطا سومرو دل میں تکلیف ہونے کے باعث انتقال کرگئے۔
مرحوم عمران عطا سومرو سندھ کی بیورو کریسی میں فرض شناس افسر کے طور پر جانے جاتے تھے۔
عمران عطا سومرو سندھ کے محکمہ اطلاعات بلدیات سروسز سمیت دیگر اہم محکموں میں سیکرٹری کے عہدوں پر براجمان رہے، اس وقت وہ سیکرٹری ورکس اینڈ سروسز کے عہدے پر براجمان تھے۔
عمران عطا سومرو کے انتقال پر گورنر سندھ کامران ٹیسوری، وزیر اعلیٰ سندھ مراد علی شاہ، صوبائی وزرا شرجیل میمن، ناصر حسین شاہ، سعید غنی اور دیگر نے گہرے دکھ کا اظہار کیا اور مرحوم کے لواحقین سے تعزیت کا اظہار کر کے مغفرت کی دعا کی۔