ٹک ٹاکر روبی علی کا خود پر جسمانی تشدد کیے جانے کا انکشاف
بولڈ سندھی گانوں میں پرفارمنس کرکے شہرت حاصل کرنے والی معروف ماڈل، اداکارہ و ٹک ٹاکر روبی علی نے خود پر جسمانی تشدد کیے جانے کا انکشاف کرتے ہوئے تصاویر شیئر کردیں۔
روبی علی نے 8 جون کو فیس بک جسمانی تشدد کی تصاویر شیئر کیں، جن میں ان کا چہرہ دکھائی نہیں دیتا۔
ان کی جانب سے شیئر کی گئی تصاویر میں خاتون کے بازوں اور جسم کے دیگر حصوں پر بدترین تشدد کے نشانات دیکھے جا سکتے ہیںَ
انہوں نے تشدد کی تصاویر شیئر کرتے ہوئے لکھا کہ وہ اپنے ذاتی مسائل کبھی سوشل میڈیا پر نہیں لاتیں لیکن کبھی کبھی خود کو سرخرو ثابت کرنے کے لئے درندہ صفت لوگوں سے لڑنا پڑتا ہے۔
ٹک ٹاکر روبی علی کی جانب سے خود پر جسمانی تشدد کے انکشافات#SindhMatters #RubiAli #IrshadJagirani pic.twitter.com/RXvWfinVAl
— Sindh Matters – سندھ میٹرز (@SindhMatters) June 8, 2023
انہوں نے مزید لکھا کہ اب سرعام لڑائی ہوگی، دنیا کو بھی پتا چلے کہ وہ کیسے بہت سارے وقت سے اندر ہی اندر ہر روز گھٹ گھٹ کر مر رہی تھیں۔
انہوں نے اپنی پوسٹ میں کسی شخص یا ادارے پر کوئی الزام نہیں لگایا اور نہ ہی انہوں نے واضح کیا کہ ان پر کب اور کس نے تشدد کیا۔
روبی علی کی جانب سے خود پر جسمانی تشدد کے انکشافات کے بعد سوشل میڈیا پر ان کی دیگر تشدد زدہ تصاویر بھی وائرل ہوگئیں اور لوگوں نے ان پر تشدد کی مذمت بھی کی۔
زیادہ تر افراد نے اپنی پوسٹس میں دعویٰ کیا کہ روبی علی پر اینکر، شاعر اور گلوکار ارشاد علی جاگیرانی نے تشدد کیا ہے، جن کے ساتھ وہ ماضی میں بولڈ گانے اور ویڈیوز بناتی دکھائی دیتی رہتی تھیں۔
https://twitter.com/Jagirani01/status/1666524813194678295
روبی علی کی جانب سے خود پر جسمانی تشدد کے انکشافات ایک ایسے وقت میں کیے گئے جب کہ ارشاد علی جاگیرانی نے روبی علی کی ایک مختصر ویڈیو شیئر کی تھی۔
مذکورہ ویڈیو میں روبی علی ایک کمرے میں بسترے پر بیٹھ کر افسردہ حالت میں بتاتی سنائی دیں کہ اب کا ارشاد سے کوئی تعلق نہیں، نہ ہی اب وہ دوبارہ ان کی زندگی میں آئیں گی، کیوں کہ انہیں اچھا نہیں لگتا کہ ایک شادی شدہ اور بچوں کے والد کی زندگی میں جایا جائے۔
مذکورہ ویڈیو میں روبی علی کی رنگت انتہائی سانولی دکھائی دیتی ہے اور وہ اپنی ٹک ٹاک ویڈیوز اور گانوں کے برعکس خوف زدہ دکھائی دیتی ہیں۔
ویڈیو میں انہوں نے مزید بتایا کہ انہوں نے ارشاد کو اپنی زندگی سے نکال کر ان کی واپسی کے تمام راستے بند کردیے جب کہ وہ نہ تو خود ارشاد کے پاس جائیں گی اور نہ انہیں اپنی زندگی میں آنے دیں گی۔
ارشاد جاگیرانی نے روبی علی کی مذکورہ ویڈیو کو اپنے فیس بک پر شیئر کرتے ہوئے لکھا کہ اس وقت صرف ٹک ٹاکر کی ویڈیو ریکارڈ کا حصہ بنایا جائے، ضرورت پڑنے پر وہ لائیو آکر وضاحت پیش کریں گے۔
روبی علی اور ارشاد جاگیرانی طویل عرصے سے ایک ساتھ دکھائی دیتے رہے ہیں، دونوں متعدد بولڈ ویڈیوز میں ایک ساتھ ماڈلنگ بھی کر چکے ہیں جب کہ دونوں ٹک ٹاک اور فیس بک پر اپنی ایک ساتھ بنائی گئی ویڈٰیوز بھی شیئر کرتے رہے ہیں۔
ارشاد جاگيراڻي ۽ روبي علي جو جوڙ ٽٽي ويو
اڄ کانپوء منهنجو ارشاد جاگيراڻي سان ڪنهن به قسم جو ڪو تعلق ناهي ـ روبي علي#RubiAli pic.twitter.com/xELl9KdB3G— Sadullah Chandio (@Ik4t8) June 7, 2023
