کندھ کوٹ میں گولا پھٹنے سے دھماکہ، 6 افراد جاں بحق
کندھ کوٹ شہر میں راکٹ لانچر کا گولا پھٹنے سے ہونے والے دھماکے کے نتیجے میں بچوں اور خاتون سمیت 6 افراد جاں بحق ہوگئے۔
پولیس کے مطابق شہر کے کچے کے علاقے میں راکٹ لانچر کا گولا پھٹا جس کی وجہ سے دھماکا ہوا۔
پولیس کے مطابق دھماکے سے دو بچوں اور خاتون سمیت 6 افراد جاں بحق ہوگئے جن کی لاشوں کو اسپتال منتقل کردیا گیا۔
پولیس نے بتایا ہے کہ واقعہ گھوڑا گھٹ تھانہ کی حدود علی نواز سبزوئی میں پیش آیا جہاں اہلخانہ نامعلوم مقام سے ملنے والا گولہ بیچنے کے لئے توڑ رہے تھے۔
حادثے میں چار سے زائد افراد زخمی بھی ہوئے ہیں جن کی حالت تشویش ناک بتائی جا رہی ہے، گولا پھٹنے سے علاقے میں خوف و حراس پھیل گیا۔
کندھ کوٹ پولیس اور رینجرز نے موقع پر پہنچ کر علاقے کا محاصرہ کر لیا۔
