بیوی کو اینٹیں ماریں، گلہ دبایا پھر بغیر غسل دفن کردیا، کندھرا میں خاتون کو قتل کرنے والے کا اعتراف
شمالی سندھ کے ضلع سکھر کی تحصیل روہڑی کے نواحی قصبے کندھرا میں بیوی کو قتل کرنے کے بعد کفن کے بغیر ہی گھر میں دفن کرنے والے ملزم کو پولیس نے گرفتار کرلیا جنہوں نے بیوی کو غیرت کے نام پر قتل کرنے کا اعتراف کرلیا۔
ملزم منور بابو کی جانب سے بیوی فردوس شیخ کو بہیمانہ انداز میں قتل کرنے کا واقعہ ایک روز قبل سامنے آیا تھا۔
شرمناک: روہڑی کےقریب کندھرا میں ملزم نے بیوی کو قتل کرکے گھر میں غسلکے بغیر دفن کردیا
ضلع سکھرکی تحصیل روہڑی کے نواحی قصبے کندھرا میں شوہر نے بیوی کو قتل کرنے کے بعد کفن کے بغیر ہی گھر میں دفن کردیا۔
تفصیلات کے لیے لنک پر کلک کریں
https://t.co/grSgj9rQXH#SindhMatters #Sindh pic.twitter.com/9QmZF6Ecw3— Sindh Matters – سندھ میٹرز (@SindhMatters) October 25, 2023
پولیس نے کارروائی کرتے ہوئے ملزم کو گرفتار کرکے معاملے کی تفتیش شروع کردی جب کہ ان کے خلاف مقدمہ بھی دائر کردیا گیآ۔
ملزم نے اپنے ابتدائی بیان میں بیوی کو غیرت کے نام پر بہیمانہ انداز میں قتل کرنے کا اعتراف بھی کرلیا۔
پولیس کی جانب سے جاری ملزم کی ویڈیو میں اسے بیوی کو قتل کرنے کا اعتراف کرتے دیکھا جا سکتا ہے۔
ملزم کے مطابق انہوں نے اینٹیں مار مار کر اور پھر گلہ دبہ کر بیوی کو قتل کیا اور بعد ازاں بغیر غسل و کفن جے گھر کے صحن میں ہی دگن کردیا۔
