سندھ بھر کے اسکولوں میں زیر تعلیم افغان بچوں کا ڈیٹا مرتب

محکمہ تعلیم نے صوبے بھر کے سرکاری اسکولوں میں پڑھنے والے افغان بچوں کا ڈیٹا مرتب کرلیا گیا، جسے سندھ حکومت کو بھیجا جائے گا۔
ڈائریکٹر اسکولزنے سندھ بھر کے تمام اضلاع کے ڈسٹرکٹ ایجوکیشن افسران کو ڈیٹا جمع کرنے کے احکامات دیے تھے۔

ڈائریکٹر اسکولز سندھ کا کہنا ہے کہ سرکاری اسکولوں میں زیرِ تعلیم غیر ملکی طلباء کی یہ فہرست سندھ حکومت کو ارسال کی جائے گی۔

انہوں نے بتایا کہ جن طلبا کا ڈیٹا مرتب کیا گیا، ان کے والدین کی شہریت اور بچوں کا برتھ سرٹیفکیٹ افغانستان کا ہے۔

ڈیٹا دستاویزات کے مطابق 55 افغان طالب علم کراچی ڈویژن کے ضلع جنوبی کے مختلف اسکولوں میں زیرِ تعلیم ہیں جبکہ ضلع کورنگی میں 24 اور ضلع سینٹرل میں 15 افغان طلبا زیرِ تعلیم ہیں۔

دستاویزات کے مطابق ضلع ویسٹ میں 14، ملیر میں 7، کیماڑی میں 4 اور ضلع ایسٹ میں 2 افغان طالب علم زیرِ تعلیم ہیں۔
اسی دیگر سندھ کے دیگر ڈویژنز میں بھی زیر تعلیم افغان طالب علموں کا ڈیٹا مرتب کرلیا گیا۔