خیرپور میں کار سے ٹک ٹاکر سیما خاصخیلی اور ان کے دوست کی لاشیں برآمد
خیرپور کے سرکاری اسپتال کے باہر کار سے 2 افراد کی لاشیں برآمد ہوئیں ، جس میں سے ایک لاش خاتون ٹک ٹاکر سیما خاصخیلی ہے۔
پولیس کے مطابق خیر پور میں سرکاری اسپتال کے باہر کار سے 2 افراد کی لاشیں ملی ہیں، پولیس نے بتایا کہ خاتون اور مرد کی لاشوں کو سول اسپتال منتقل کردیا گیا۔
پولیس کے مطابق کوثراسپتال کے قریب کار سے ملنے والی دونوں لاشوں کی شناخت ہوگئی، لاشوں کی شاخت ٹک ٹاکر سیما خاصخیلی اور ان کے دوست ظفرعباس حاجانو کے نام سے ہوئی۔
حکام نے بتایا کہ سول اسپتال میں لاشوں کا پوسٹ مارٹم کیا جائے گا، واقعہ کیسے پیش آیا، اس حوالے سے تفتیش جاری ہے، گاڑی گزشتہ 2 روز سے اسپتال کے باہر کھڑی تھی۔
