سندھ میں 9 ماہ کے اندر قتل کے 1384 واقعات رپورٹ

سندھ بھر میں رواں برس کے اب قتل کے 1384، مجرمانہ قتل کے 75 اور اقدام قتل کے 1927واقعات رپورٹ ہوچکے۔

سندھ پولیس کے اعداد وشمار کے مطابق سال 2024 میں 15ستمبر تک سندھ کے مختلف شہروں میں قتل کے 1384واقعات رپورٹ ہوئے۔

اعداد و شمار کے مطابق قتل کے سب زیادہ واقعات ماہ جولائی میں رپورٹ ہوئے جن کی تعداد 190رہی۔

اسی طرح جنوری میں 137، فروری میں 137، مارچ میں 144 ، اپریل میں 188، مئی میں 169، جون میں 181 ، اگست میں 165 اور ستمبر کی 15 تاریخ تک قتل کے 71 واقعات رپورٹ ہوئے۔

سال 2024 میں 15 ستمبر تک مجرمانہ قتل کے 75واقعات رپورٹ ہوئے۔ جنوری میں مجرمانہ قتل کے 15 ،فروری میں 5، مارچ میں 8، اپریل میں 6، مئی میں 8، جون میں 11، جولائی میں 9، اگست میں 8 اور ستمبر کی 15 تاریخ تک مجرمانہ قتل کے 5واقعات رپورٹ ہوئے۔

ریکارڈ کے مطابق رواں برس 15 ستمبر تک اقدام قتل کے 1927 واقعات رپورٹ ہوئے ہیں۔