سندھ میں گدھوں کی تعداد بلوچستان اور خیبرپختونخوا سے زیادہ

10134950e7b5a85

وفاقی حکومت نے زراعت شماری رپورٹ برائے سال 2024 میں جاری کردی، جس کے مطابق سندھ میں گدھوں کی تعداد بلوچستان اور خیبرپختونخوا سے زیادہ ہے۔

اعداد و شمار کے مطابق پنجاب میں گدھوں کی تعداد تمام صوبوں کے مقابلے میں سب سے زیادہ 24 لاکھ 3 ہزار کی سطح پر پہنچ گئی، سندھ دوسرے نمبر پر ہے۔

گدھوں کی تعداد کے حوالے سے سندھ دوسرے اورخیبرپختونخوا تیسرے نمبرپر ہے، صوبہ بلوچستان میں گدھوں کی تعداد باقی صوبوں کے مقابلے میں کم ہے۔
رپورٹ کے مطابق پنجاب میں گدھوں کی تعداد 24 لاکھ 3 ہزار، سندھ میں گدھوں کی تعداد 10 لاکھ 81 ہزار، خیبرپختونخوا میں گدھوں کی تعداد 7 لاکھ 82 ہزار اور بلوچستان میں گدھوں کی تعداد 6 لاکھ 30 ہزار ہوچکی ہے

وفاقی دارلحکومت اسلام آباد میں گدھوں کی تعداد 4 ہزار ریکارڈ کی گئی ہے۔

زراعت شماری کی رپورٹ 2024 کے مطابق پاکستان میں گدھوں کی مجموعی تعداد 49 لاکھ ہوچکی ہے۔