سندھ کے شہر ڈہرکی سے بھی گیس کے نئے ذخائر دریافت
سندھ کے ضلع گھوٹکی کی تحصیل ڈھرکی میں گیس کا ایک اور ذخیرہ دریافت کر لیا گیا، جس سے یومیہ ایک کروڑ 70 لاکھ اسٹینڈرڈ کیوبک فٹ گیس حاصل ہوگی۔
تیل اور گیس کی کمپنی ماڑی پٹرولیم کی جانب سے جاری اعلامیہ میں کہا گیا ہے کہ کمپنی نے ڈھرکی میں ایک اور گیس کاذخیرہ دریافت کر لیا۔
کمپنی نے ڈھرکی کے علاقے میں 1740میٹر تک کھدائی کی، کمپنی کی اس علاقے میں یہ تیسری گیس کی دریافت ہے۔
سندھ کے ضلع ٹنڈو الہ یار سے گیس اور ہائیڈروکاربن کے ذخائر دریافت
کنویں کو 2,081 میٹر کی گہرائی تک کھودا گیا تھا، جہاں سے 90 لاکھ مکعب فٹ یومیہ گیس، 360 بیرل یومیہ خام تیل اور ہائیڈروکاربن ملنے کی امید ہے#OGDCL #SindhGas #SindhGovt #SindhMatters https://t.co/uyu5Cb0L7J— Sindh Matters – سندھ میٹرز (@SindhMatters) December 8, 2023
نئے دریافت ہونے والے گیس کے ذخائر پر کام جاری ہے جس کے بعد گیس کو سسٹم میں شامل کیا جائے گا۔
ڈہرکی میں گیس کے نئے ذخائر ملنے سے چند دن قبل ٹنڈو الہ یار سے بھی گیس و تیل کے ذخائر ملے تھے۔
ٹنڈو الہ یار سے گیس دریافت کیے جانے سے دو ہفتے قبل سجاول سے بھی گیس کے نئے ذخائر دریافت کیے گئے تھے۔
رواں برس سندھ کے مختلف اضلاع گھوٹکی، سانگھڑ، حیدرآباد، سجاول اور ٹنڈو الہ یار سے مختلف کمپنیوں نے متعدد بار تیل اور گیس کے نئے ذخائر دریافت کیے ہیں۔
