کم عمری کی شادی کی حوصلہ شکنی کی مؤثر رپورٹنگ پر این سی ایس ڈبلیو کی تربیتی ورکشاپ
سندھ سمیت پاکستان بھر میں کم عمری کی شادی اور صنفی تشدد کی روک تھام کے لیے مؤثر اور مثبت رپورٹنگ پر تربیت کے لیے نیشنل اسٹیٹس کمیشن آن ویمن (این سی ایس ڈبلیو) یونیسیف پاکستان اور یو این ایف پی اے کی جانب سے سندھ سمیت ملک بھر کے صحافیوں کے لیے وفاقی دارالحکومت اسلام آباد میں تین روزہ تربیتی ورکشاپ کا اہتمام کیا گیا۔
ورکشاپ سے خطاب کرتے ہوئے چیئرپرسن قومی کمیشن برائے وقارِ نسواں (این سی ایس ڈبلیو) نیلوفر بختیار نے کم عمری کی شادی اور صنفی بنیاد پر ہونے والے تشدد سے متعلق مسائل پر آگاہی بڑھانے میں میڈیا کے کردار کو مزید مضبوط بنانے پر زور دیا۔
چیئرپرسن این سی ایس ڈبلیو نیلوفر بختیار نے اظہار خیال کرتے ہوئے کہا کہ خواتین پر تشدد روکنے اور بچوں کی شادی کے معاملے پر آگاہی پیدا کرنے کی کوششوں میں میڈیا کا اہم کردار ہے۔
انہوں نے کہا کہ انہوں نے میڈیا کی فعال اشتراک سے مساوات، شمولیت اور خواتین کو بااختیار بنانے والے معاشرے کا خواب دیکھا ہے۔
چیئرپرسن نے صحافیوں پر زور دیا کہ وہ ذمہ دار اور تحقیق پر مبنی رپورٹنگ پر زیادہ توجہ دیں اور ان خیالات اور تصورات پر سیکھنے اور کام کرنے میں دلچسپی کو بڑھایا جائے جو مثبت تبدیلی، انسانی بہتری اور سماجی اصلاحات کا سبب بن سکیں۔
Responsible reporting on Child Marriage & GBV is our aim to attain through #NationalMediaFellowship
Three-day Alumnae Reunion & Refresher Workshop of our Media Fellows has commenced today with collaboration and support from @UNICEF_Pakistan & @UNFPAPakistan pic.twitter.com/SFxzmgGgNR
— National Commission on the Status of Women (@ncswpk) December 15, 2023
ورکشاپ سے یونیسیف کی جانب سے مہوش سعید سید، فرزانہ یاسمین، ہما خان، فہمیدہ خان اور عطیہ قاضی نے بھی خطاب کیا۔
ورکشاپ کا انعقاد این سی ایس ڈبلیو کی جانب سے یونیسیف اور یو این ایف پی اے کے اشتراک سے کیا گیا۔ پاکستان بھر سے پینتالیس صحافیوں کو کم عمری کی شادی کے معاملے کے مختلف پہلوؤں اور جہتوں پر تربیت فراہم کی گئی۔
مذکورہ صحافی این سی ایس ڈبلیو کے ایک انتہائی اہم پروگرام نیشنل میڈیا فیلوشپ 2021 (این ایم ایف) کا حصہ رہے ہیں جو کم عمری کی شادی اور صنفی بنیاد پر ہونے والے تشدد (جی بی وی) کی روک تھام اور خاتمے کے لیے ذمہ دار رپورٹنگ پر میڈیا اور صحافیوں کو حساس بنانے کے لیے منعقد کی گئی تھی۔
اسی فیلوشپ کا رواں برس دوبارہ بھی آغاز کیا گیا اور دوسرے بیچ میں بھی ملک بھر سے 40 صحافیوں کو منتخب کیا گیا ہے۔
اب تک کی دونوں فیلوشپس میں ترتیب وار چالیس صحافیوں کو 2022 اور 2023 میں تربیت دی جا چکی ہے۔
سال 2022 میں منعقد ہونے والے پہلے پروگرام کے تحت جی بی وی پر 162 میڈیا اسٹوریز اور 2 دستاویزی فلمیں تیار کی گئیں، جن کے موضوع میں کم عمری کی شادی اور خواتین پر ماحولیاتی تبدیلی کے اثرات شامل تھے۔
یہ کہانیاں ملک میں معروف میڈیا ہاؤسز اور ڈیجیٹل پلیٹ فارمز کے ذریعے شائع ہوئیں۔ این ایم ایف کا دوسرا دور مکمل ہونے کے بعد 180 سے زائد کہانیاں جی بی وی پر توجہ مرکوز کرنے والی اور لڑکیوں اور خواتین کے حقوق پر 2024 میں شائع ہونا متوقع ہیں۔
صنفی تشدد کے خلاف 16 دن کی عالمی مہم اختتام پذیر
مہم کے دوران موئن جو دڑو سمیت تمام شہروں کے مقامات کو اورنج کلر کے ساتھ روشن کیا گیا#16DaysOfActivism #NoExcuse #WomensRightsAreHumanRights #NoExcuse #کوئی_جواز_نہیں #SindhMatters https://t.co/Y7jk62pE8x— Sindh Matters – سندھ میٹرز (@SindhMatters) December 11, 2023
