سندھ پولیس میں 25 ہزار اہلکاروں کی بھرتی کے پہلے مرحلے میں 11 ہزار اہلکاروں کے لیے درخواستیں طلب
سندھ میں 25 ہزار پولیس اہلکاروں کی بھرتی کے لیے عمل شروع کردیا گیا، پہلے مرحلے میں صوبے میں 11 ہزار 168پولیس اہلکاروں کی بھرتی ہوگی۔
گریڈ 7کی اسامی کیلئے 18سے 28 سال عمر کے مرد اور خواتین امیدوار 23 اپریل 2024 تک آن لائن درخواستیں جمع کرا سکتے ہیں، ٹیسٹس سکھر آئی بی اے کے سیبا ٹیسٹنگ کے ذریعے لیا جائے گا، سندھ پولیس کے اسسٹنٹ انسپکٹر جنرل اسٹیبلشمنٹ نے نوٹیفکیشن جاری کر دیا۔
احکامات کے مطابق کراچی رینج کیلئے 3108 مرد، 583 خواتین جبکہ 194 اقلیتی پولیس اہلکار بھرتی کیے جائیں گے۔۔
حیدراباد رینج میں 498لیڈیز اور 166 اقلیتی اہلکاروں سمیت 3322 اہلکاروں کی بھرتی ہوگی۔
میرپور خاص رینج میں 90 خواتین سمیت 597 اہلکار بھرتی ہوں گے۔
سکھر رینج میں 96 خواتین سمیت 638 اور لاڑکانہ رینج میں 318 خواتین سمیت 2114 پولیس اہلکاروں کی بھرتی ہوگی۔
سب سے زیادہ اہلکار کراچی رینج اور سب سے کم میرپور خاص رینج میں بھرتی ہونگے۔
