ماحول دوست قدم، سندھ کے سرکاری دفاتر و اجلاسوں میں پلاسٹک کی بوتلوں کا استعمال بند
سندھ حکومت نے ماحول دوست قدم اٹھاتے ہوئے سرکاری دفاتر اور اجلاسوں میں پلاسٹک کی پانی کی بوتلوں کا استعمال بند کردیا گیا۔
اس حوالے سے ترجمان وزیراعلیٰ سندھ نے بتایا کہ مراد علی شاہ نے ماحول دوست اقدامات کا آغاز وزیراعلیٰ ہاؤس کراچی سے کر دیا۔
ترجمان وزیراعلیٰ سندھ نے کہا کہ وزیراعلیٰ ہاؤس کے اجلاسوں میں پانی کی بوتلوں کی جگہ شیشے کے جگ رکھ دیے گئے ہیں۔
وزیراعلیٰ سندھ مراد علی شاہ نے کہا کہ وزیراعلیٰ ہاؤس میں پلاسٹک کی بوتلوں کا استعمال ختم کر دیا۔
انہوں نے کہا کہ ماحول کی بہتری کےلیے پلاسٹک بیگ، بوتلیں اور دیگر اشیاء کا استعال ترک کرنا ہوگا۔
وزیر اعلیٰ نے کہا کہ ہمیں ماحول کی بہتری کےلیے اپنا کردار ادا کرنا ہوگا۔
