سندھ حکومت نے سرکاری ملازمت کے لیے عمر میں 5 سال کی رعایت دے دی
حکومت سندھ نے تمام محکموں اور اداروں میں سرکاری ملازمت کے لیے عمر کی حد میں پانچ سال رعایت کردی۔
سندھ کابینہ کی منظوری کے بعد عمر میں رعایت کا نوٹیفکیشن جاری کردیاگیا۔
نوٹیفکیشن میں کہا گیا کہ سرکاری ملازمت کے حصول کے لیے عمر کی حد 28 سال سے بڑھا کر 33 سال مقرر کردی گئی تاہم اس کا اطلاق پولیس اور دیگر فورسز پر نہیں ہوگا۔
نوٹیفکیشن میں کہا گیا ہے کہ فیصلے کا اطلاق یکم جنوری 2025 سے 31 دسمبر 2026 تک نافذ العمل رہے گا۔
نوٹیفکیشن کے مطابق سی ای سی امتحان کے علاوہ تمام نوکریوں کیلئے عمر کی حد 33 سال ہوگی۔
سرکاری ملازمت کے لیے پہلے عمر میں 15 سال کی رعایت تھی جسے سپریم کورٹ کے احکامات پر ختم کردیا گیا تھا۔
