سندھ سے 2025 کا چوتھا پولیو کیس ٹھٹہ سے سامنے آگیا

رواں سال سندھ کا چوتھا پولیو کیس ضلع ٹھٹہ سے یکم مارچ کو سامنے آگیا۔

ٹھٹہ کے 6 ماہ کے بچے میں پولیو وائرس کی تصدیق ہوگئی، قومی ادارہ صحت کی ریجنل ریفرنس لیبارٹری نے پولیو کیس کی تصدیق کر دی۔

اس حوالے سے پاکستان پولیو پروگرام کا کہنا ہے کہ رواں سال سندھ سے پولیو کا یہ چوتھا کیس رپورٹ ہوا جب کہ ملک کا یہ چھٹا کیس ہے۔

سندھ میں رواں سال کا پہلا پولیو کیس 13 فروری کو بدین سے سامنے آیا تھا۔

صوبے میں پولیو کا دوسرا کیس لاڑکانہ سے 23 فروری 2025 کو سامنے آیا تھا۔

سندھ سے تیسرے پولیو کیس کی تصدیق 28 فروری کو کی گئی تھی جو کہ ضلع قمبر شہدادکوٹ سے سامنے آیا تھا۔

صوبے کے چوتھے کیس کی تصدیق یکم مارچ کو کی گئی جو کہ ٹھٹہ سے سامنے ایا۔

گزشتہ سال سندھ میں پولیو کے 22 جب کہ ملک بھر میں پولیو کے 74 کیسز سامنے آئے تھے۔

سندھ سے سال 2024 میں آنے والے کیسز کی تفصیلات درج ذیل ہے۔

جیکب آباد: 05

کیماڑی: 03

کشمور: 02

ضلع شرقی: 02

حیدرآباد: 02

شکارپور: 01

گھوٹکی: 01

سکھر: 01

سجاول: 01

سانگھڑ: 01

میرپورخاص: 01

ملیر: 01

ٹھٹہ: 01

سال 2025 میں سندھ سے سامنے آنے والے کیسز کی تفصیل درج ذیل ہے۔

بدین: 01

لاڑکانہ: 01

قمبر شہدادکوٹ: 01

ٹھٹہ: 01