ازبکستان و سندھ کی سیاحت کو فروغ دینے کے لیے تقریب کا اہتمام
ازبکستان کے سفارت خانے اور ٹورازم کمیٹی ازبکستان کی زیر اہتمام ازبکستان کی ثقافت، سیاحت اور روایات پر مبنی منفرد تقریب کا اہتمام کیا گیا۔
تقریب میں ازبکستان کے روایتی رقص بھی پیش کیے گئے۔
پاکستان میں ازبکستان کی سیاحت کو فروغ دینے کے لئے نجی ہوٹل میں ازبکستان ایمبیسی اور ٹورازم کمیٹی ازبکستان کی زیر اہتمام ازبکستان ٹورازم روڈ شو کا انعقاد کیا گیا ۔
تقریب میں ازبکستان کے تاریخی مقامات، ثقافتی ورثے، اور منفرد روایات کو اجاگر کیا گیا۔
تقریب میں سندھ کے بھی تاریخی مقامات کی ڈاکومیٹری دیکھی گئی۔
اس تقریب میں خوبصورت ازبکستانی رقص نے خوب سماح باندھا۔
مہمانِ خاص گورنر سندھ کامران ٹیسوری کے ایڈوائزر طارق مصطفیٰ نے کہا کہ پاکستان میں سیاحتی فروغ کے ذریعے ملک اور بلخصوص شہر کراچی کی مثبت امیج اجاگر ہورہی ہیں ۔
ازبکستان ایمبیسی کے تیسرے درجے کی سیکریٹری رافشان جومانف اور ڈی جی سندھ ٹورزم ڈیولپمنٹ کارپوریشن سید فیاض علی شاہ نے کہا کہ تقریب کا مقصد دونوں ممالک کے درمیان سیاحتی تعلقات کو مضبوط کرنا اور ثقافتی تبادلے کو فروغ دینا ہے۔
انہوں نے کہاکہ گذشتہ دنوں سے ایک اعلی سطح کاوفد پاکستان آیاہوا ہے۔
عوام نے بھی تقریب کے انعقاد کو سراہا ۔
تقریب میں دونوں ممالک کے عوام کو قریب لانے کی ایک اہم کوشش کے طور پر دیکھی جا رہی ہے۔
اس میں ازبکستان ائیرلائن کے حوالے سے بھی بتایاگیا۔
