جسٹس فار سکرنڈ: سندھ ماڑی جلبانی آپریشن پر سراپا احتجاج پذیر
ضلع نوابشاہ کی تحصیل سکرنڈ کے گاؤں ماڑی جلبانی میں پولیس اور رینجرز کے مشترکہ آپریشن کے دوران 5 دیہاتیوں کی ہلاکت پر جہاں سندھ بھر میں مظاہرے جاری ہیں وہیں ٹوئٹر پر یکم اکتوبر کو جسٹس فار سکرنڈ (#JusticeForSakrand) کے ہیش ٹیگ کے بینر تلے سوشل میڈیا صارفین نے اپنا احتجاج ریکارڈ کروایا۔
ماڑی جلبانی میں پولیس اور رینجرز نے 28 ستمبر کو مشترکہ آپریشن کیا تھا۔
A boy with folding hands 🙏 asking #JusticeForSakrand pic.twitter.com/uH6DlZpM01
— @SaeedSangri (@saeedsangri) October 1, 2023
مشترکہ آپریشن کے دوران سیکیورٹی فورسز کی فائرنگ سے 4 دیہاتی ہلاک اور 5 زخمی ہوگئے تھے, بعد ازاں مزید ایک زخمی چل بسا تھا۔
آپریشن کے دوران دیہاتیوں کی ہلاکت کا مقدمہ 29 ستمبر کو زاہد جلبانی کی مدعیت میں نامعلوم 40 سے 45 سیکیورٹی اہلکاروں اور حکومتی عہدیداروں کے خلاف دائر کیا گیا تھا۔
Sindh, our beloved land, deserves swift justice.#JusticeForSakrand
— Erum Abro (@Erumslifeology) October 1, 2023
واقعے کے خلاف سندھ بھر میں مظاہرے کیے گئے تھے جس پر نگران وزیر اعلی نے نوٹس لیتے ہوئے تفتیشی کمیٹی قائم کرتے ہوئے اسے چار دن میں رپورٹ دینے کا حکم دیا تھا۔
We demand justice for innocent people. #JusticeForSakrand pic.twitter.com/WSqHRo0VIl
— Salar Khan Rahoojo (@SalarRahoojo) October 1, 2023
واقعے کے بعد نگران وزیر داخلہ حارث نواز نے ایک ٹی وی پروگرام میں بات کرتے ہوئے دعوی کیا تھا کہ گاؤں والوں نے رینجرز اور پولیس کے پہنچتے ہی ان پر حملہ کردیا۔ گاؤں والوں نے رینجرز اہلکاروں پر ڈنڈوں اور لاٹھیوں سے حملہ کیا اور زخمی ہونے والے اہلکاروں کو کلہاڑیاں بھی ماریں۔
انہوں نے دلیل دی تھی کہ جب اہلکاروں پر حملہ ہوا تو انہوں نے اپنا دفاع کیا۔
#JusticeForSakrand https://t.co/c2q0v6j7Bg
— khalid hussain (@khalidkoree) October 1, 2023
تاہم حکومتی دعووں کے برعکس گاؤں والوں کا دعوی ہے کہ انہوں نے سیکیورٹی فورسز پر حملہ نہیں کیا۔
ماڑی جلبانی میں سیکیورٹی فورسز کے آپریشن کے نتیجے میں ہونے والی ہلاکتوں کے خلاف سوشل میڈیا صارفین نے یکم اکتوبر کو ٹوئٹر پر جسٹس فار سکرنڈ (#JusticeForSakrand) کے نام سے ہیش ٹیگ میں اپنا احتجاج ریکارڈ کروایا۔
سوشل میڈیا صارفین نے نگران حکومت اور اعلی عدالت سے واقعے کی شفاف تحقیقات کا مطالبہ کیا۔
