ثنا کپری: زنجیروں میں قید رہنے سے اولمپکس کی دوڑ تک
![](https://sindhmatters.com/wp-content/uploads/2023/06/IMG-20230628-WA0000.jpg)
صوبہ سندھ کے چھوٹے قصبے جھڈو میں چند سال قبل تک زنجیروں میں بندھی ثنا کپری گزشتہ ہفتے اس وقت دنیا کی توجہ کا مرکز بنیں جب انہوں نے اسپیشل اولمپکس کی افتتاحی تقریب میں ٹارچ کو ہاتھوں میں پکڑ کر اسے آگے بڑھایا۔
ثنا کپری سندھ کے ضلع میرپورخاص کے تعلقہ جھڈو کے ایک گاؤں سے تعلق رکھتی ہیں اور وہ دیہی سندھ کی پہلی اسپیشل اولمپک کھلاڑی بھی ہیں۔
Sana Kapri Special Olympics Athlete from Jhudo Dist Mirpurkhas, Sindh Pakistan. So proud of you Sana.
Pakistan Zindabad pic.twitter.com/kzqty1xoUl— Emmanuel Guddu 🇵🇰 (@emnpk) June 23, 2023
ثنا کپری چند سال سے پاکستان کے اسپیشل اولمپکس اسکواڈ کا حصہ ہیں اور وہ پہلے بھی اولمپکس میں دوڑ کے مقابلوں میں پہلی پوزیشن حاصل کر چکی ہیں لیکن اس بار انہوں نے چوتھی پوزیشن حاصل کی۔
ثنا کپری کی زندگی کسی فلمی واقعے سے کم نہیں، چوں کہ انہیں بھی دیگر دیہاتی بچیوں کی طرح ذہنی طور پر بیمار سمجھ کر زنجیروں سے باندھ دیا جاتا تھا۔
Congratulations to Sana Kapri from Pakistan for carrying the torch at the 16th Special Olympic World Games in Germany!
Your dedication & commitment to overcoming challenges is an inspiration to us all. #SpecialOlympics #Empowerment #PakistanPride 🇵🇰🔥🏅" https://t.co/l8kjmkWcDo— Ziauddin Yousafzai (@ZiauddinY) June 24, 2023
ثنا کپری کئی سال تک اپنے ہی والدین کی جانب سے زنجیروں میں باندھی جاتی رہیں، کیوں کہ ان کے والدین کو خوف تھا کہ اگر انہیں آزاد چھوڑ دیا تو وہ کسی نفع اور نقصان کو سمجھے بغیر گھر سے باہر نکلیں گی اور پھر اس کے ساتھ کچھ بھی ہو سکتا ہے۔
لیکن بعد ازاں وہاں اسپیشل اولمپکس کی ٹیم پہنچی، انہوں نے ثنا کپری کو اولمپکس بنانے کے لیے منتخب کیا، اسے 6 ماہ تک ٹریننگ دی اور پھر پاکستان اسپیشل اولمپکس اسکواڈ کا حصہ بنایا۔
Sana exemplifies the true essence of an athlete—hardworking and excited to compete. It was a long road for Sana to earn a spot representing @SO_Pakistan at the @SOWG_Berlin2023. Read Sana's incredible journey here 🔗 https://t.co/diU3tYTKql #Berlin2023 pic.twitter.com/TGMm6YyAys
— Special Olympics (@SpecialOlympics) June 24, 2023
زنجیروں سے باندھے جانے سے لے کر اولمپکس کےمیداںوں میں دوڑنے تک ثنا کپری نے نہ صرف اپنی زندگی بدلی بلکہ علاقے کی دیگر لڑکیوں کے لیے بھی حوصلہ بنیں اور انہوں نے وہاں کی فرسودہ روایات کو بھی ختم کیا۔
پہلے ثنا کپری کو ناکارہ سمجھنے والے افراد ہی بعد میں ان کے ساتھ سیلفی بنانے کے لیے قطاروں میں کھڑے رہنے لگے اور اسے اپنے علاقے اور برادری کا فخر سمجھنے لگے۔
ثنا کپری: زنجیروں میں قید رہنے سے اولمپکس کی دوڑ تک
Sana Kapri from Jhudo, MirpurKhas, Sindh
Courtesy Video: Sana Kapri YouTube pic.twitter.com/FFkBQXo7ma
— Sindh Matters – سندھ میٹرز (@SindhMatters) June 28, 2023
ثنا کپری 17 سے 25 جون 2023 تک جرمنی کے شہر برلن میں ہونے والے عالمی اسپیشل اولمپکس گیمز کا حصہ رہیں، انہوں نے افتتاحی تقریب میں اولمپکس کی ٹارچ پکڑی اور اچھے کھیل کا مظاہرہ کیا۔
ضلع میرپورخاص کےتعلقہ جھڈو سے تعلق رکھنے والی ثنا کپری کو پہلے والدین زنجیروں میں باندھ کر رکھتے تھے اب وہ اولمپکس کے میدانوں میں دورتی ہیں
Sana Kapri Form Jhudo, Sindh pic.twitter.com/2XFvoAtlx9
— Sindh Matters – سندھ میٹرز (@SindhMatters) June 28, 2023
ثنا سمیت پاکستان کے دیگر خصوصی اولمپکس کھلاڑیوں نے ایک ہفتے تک جاری رہنے والے کھیلوں میں ملک کے لیے 80 میڈلز حاصل کیے، جس میں سے 11 گولڈ میڈل تھے۔
ثنا کپری گیمز کے ختم ہونے کے بعد 29 جون کو واپس سندھ پہنچیں، ان کے والدین اور رشتے داروں سمیت دیگر افراد نے کراچی ایئرپورٹ پر ان کا استقبال کیا۔
Jubilant and successful – @SO_Pakistan team departs #Berlin bagging a total of 80 medals.
(11 gold, 29 silver, and 40 bronze).
Proud of you all.
Officers of @PakinGermany_ bode farewell to the squad.@DrMFaisal@epwing_official@ForeignOfficePk@PTVNewsOfficial@RadioPakistan pic.twitter.com/qRdMjmVJxD— Pakistan Embassy Germany (@PakinGermany_) June 26, 2023