نگران وزیر اعلیٰ کا خیرپور اسپتال کا دورہ، نظام درہم برہم دیکھ کر ایم ایس کو ہٹادیا
نگران وزیر اعلیٰ سندھ جسٹس (ر) مقبول باقر نے سول اسپتال خیرپور کے ناقص انتظامات پر برہمی کا اظہار کرتے ہوئے ڈائریکٹر فنانس کو معطل اور میڈیکل سپرنٹنڈنٹ (ایم ایس) کا تبادلہ کرکے اسپتال کے امور کی مکمل انکوائری کا حکم دے دیا۔
نگران وزیر اعلی شمالی اضلاع کے دورے پر ہیں، گزشتہ روز وہ سکھر اسپتال بھی گئے تھے اور وہاں کے ایم ایس و ڈائریکٹر کو بھی انہوں نے معطل کردیا تھا۔
Khairpur (October 25th, 2023) Caretaker Sindh Chief Minister Justice (R) Maqbool Baqar visits Khairpur Medical College Hospital / Civil Hospital. pic.twitter.com/cH9NMJZLOq
— Sindh Chief Minister House (@SindhCMHouse) October 25, 2023
نگران وزیر اعلیٰ نے اپنے اسٹاف کے ہمراہ سول اسپتال خیرپور کے مختلف وارڈز، لیبارٹری اور ریڈیولوجی کی صورت حال کا معائنہ کیا اور وہاں موجود مریضوں سے بات چیت بھی کی۔
نگران وزیراعلیٰ کے دورے کے موقع پر ایمرجنسی وارڈ میں خواتین اور مرد مریض بغیر چادروں کے بستروں پر پڑے تھے، مرد اور خواتین مریضوں کے لیے کوئی الگ پورشن کا انتظام نہیں تھا۔
نگران وزیراعلیٰ کے دورے کے وقت بستر ادھر ادھر پڑے تھے اور آکسیجن موجود نہیں تھی اور یہاں تک کہ نیبولائزرز بھی ناکارہ تھے اور فرش پر پڑے ہوئے تھے جن پر دھول چڑھی ہوئی تھی۔
نگران وزیراعلیٰ سکھراسپتال کی خسہ حالت دیکھ کرحیران،ایم ایس معطل
ایمرجنسی میں صرف بیڈکاہونا کافی نہیں،نہ آکسیجن کی سہولت ہےاورنہ ہی مانیٹرز ہیں؟ اسپتال میں27 ڈاکٹرز اور 45 وارڈز ہیں،976 اسٹاف کی ضرورت ہےلیکن 425 ملازمین ہیں۔
تفصیلات جانیں https://t.co/Glu4irvqUA#SindhMatters pic.twitter.com/3EQwtQgX0V— Sindh Matters – سندھ میٹرز (@SindhMatters) October 24, 2023
انہوں نے اسپتال کے کچن کا بھی معائنہ کیا جہاں انہیں بتایا گیا کہ 300 مریضوں کے لیے کھانا تیار کیا جاتا ہے لیکن درحقیقت وہاں کافی وقت سے کھانا نہیں بنایا جا رہا تھا۔
اس موقع پر میڈیکل سپرنٹنڈنٹ اور ڈائریکٹر فنانس اسپتال کے گزشتہ چند ماہ کے دوران ہونے والے اخراجات بتانے میں ناکام رہے اور ان کے پاس ڈیوٹی پر موجود اور چھٹی پر گئے ہوئے ڈاکٹروں کا کوئی ریکارڈ بھی موجود نہیں تھا۔
وزیراعلیٰ نے ڈائریکٹر فنانس کو معطل اور ایم ایس کا تبادلہ کرنے کا حکم دیا۔