سندھ میں مبینہ انتخابی دھاندلیوں کے خلاف پی ٹی آئی و جماعت اسلامی کا احتجاج
سندھ میں انتخابی نتائج میں مبینہ دھاندلی کیے جانے اور متحدہ قومی موومنٹ (ایم کیو ایم) کو توقع سے زیادہ نشستیں ملنے پر جماعت اسلامی (جے آئی) اور پاکستان تحریک انصاف (پی ٹی آئی) کی جانب سے الیکشن کمیشن آف پاکستان (ای سی پی) کے دفتر کے باہر دھرنا دے دیا گیا۔
پی ٹی آئی اور جماعت اسلامی کا دعویٰ ہے کہ سندھ میں انتخابی نتائج کو تبدیل کرکے ایم کیو ایم کو جتوایا گیا جب کہ بعض حلقوں میں پیپلز پارٹی کو بھی جتوایا گیا۔
کراچی میں الیکشن کمیشن کے باہر تحریک انصاف اور جماعت اسلامی کا مبینہ طور پر نتائج میں ہیرا پھیری کے خلاف احتجاج ، جماعت اسلامی اتوار کو شہر میں آٹھ مقامات پر احتجاج کرے گی pic.twitter.com/XIbsnTnWQJ
— Riaz Sohail Janjhi, ریاض سہیل रियाज़ सुहैल (@RiazSangi) February 10, 2024
غیر حتمی اور غیر سرکاری نتائج کے مطابق سندھ میں حیران کن طور پر ایم کیو ایم نے صوبائی اسمبلی کی 28 جب کہ قومی اسمبلی کی 18 نشستیں جیتی ہیں جب کہ جماعت اسلامی اور پی ٹی آئی بمشکل تین تین نشستیں جیت پائی ہیں۔
غیر حتمی نتائج کے مطابق پیپلز پارٹی نے سندھ بھر سے صوبائی اسمبلی کی 84 نشستیں جیتی ہیں۔
سندھ میں مبینہ طور پر انتخابی نتائج تبدیل کیے جانے کے خلاف جماعت اسلامی اور پی ٹی آئی نے 10 فروری کو صوبائی الیکشن کمیشن کے دفتر کے باہر دھرنا دے دیا جب کہ دونون جماعتوں نے مظاہروں کا دائرہ سندھ بھر تک پھیلانے کا اعلان بھی کیا۔