سندھ میں غیرت کے نام پر 163 خواتین قتل، ریپ کے 209 واقعات رپورٹ
سندھ بھر ایک سال کے دوارن غیرت کے نام پر 163 خواتین قتل کردیا گئیں جب کہ 209 خواتین کو ریپ اور گینگ ریپ کا نشانی بنادیا گیا، مجموعی طور خواتین پر تشدد کے 1632 کیسز رپورٹ ہوئے۔
ہاری ویلفیئر ایسوسی ایشن نے خواتین کیخلاف ہونے والے جرائم اور واقعات پر مشتمل رپورٹ جاری کردی۔
اعداد و شمار کے مطابق سندھ بھر خواتین اور لڑکیوں کے خلاف تشدد کے 1632 واقعات رپورٹ ہوئے۔
ضلع سانگھڑ 160 اور خیرپور 147واقعات اور دادو 116 ساتھ سر فہرست رہے۔
کراچی ڈویژن سے بھی بڑی تعداد107 واقعات رپورٹ ہوئے۔
رپورٹ کے مطابق کشمور میں 30، ٹھٹھہ میں33 اور ٹنڈو محمد خان میں 31 کیسز رپورٹ ہوئے اور ان اضلاع میں سب سے کم کیسز رپورٹ ہوئے۔
ان 1632 واقعات میں سے عصمت دری کے 209، غیرت کے نام پر قتل کے 163 اور 119 واقعات تشدد کی سب سے عام شکل تھے۔
خودکشی کے واقعات بھی تھے، لیکن ان میں سے زیادہ تر مشتبہ قتل تھے اور موت کی اصل وجہ اکثر نامعلوم یا کم رپورٹ کی جاتی تھی۔
مثال کے طور پر 9 اپریل 2024 کو سانگھڑ میں ایک شادی شدہ خاتون نے مبینہ طور پر زہر کھا کر اپنی جان لے لی۔ تاہم، اس کے شوہر کو قتل کے شبہ میں گرفتار کیا گیا تھا کیونکہ وہ مذہبی کتابوں کا علم رکھتی تھی اور وہ خودکشی نہیں کر سکتی تھی، جس کی وجہ سے اس کی موت کو خودکشی کے طور پر پیش کیا گیا تھا۔
رپورٹ کے مطابق گھریلو تشدد کے 113 واقعات، 243 اغوا، اور 90 جنسی ہراسانی کے کیسز رپورٹ ہوئے، جو خواتین اور لڑکیوں کے خلاف تشدد کے اعلی واقعات میں مزید اضافہ کرتے ہیں، جو خواتین اور لڑکیوں کے تحفظ اور آزادی کے سنگین مسئلے کو ظاہر کرتے ہیں۔
ایچ ڈبلیو اے نے بچوں اور جبری شادیوں کے 27 کیسز بھی نوٹ کیے۔
رپورٹ کو پیش کرتے ہوئے اکرم علی خاصخیلی صدر ہاری ویلفیئر نے کہا کہ سندھ میں خواتین کے حقوق کی صورتحال انتہائی تشویشناک ہے، ہر سال سینکڑوں خواتین غیرت کے نام پر قتل، جائیداد کے تنازعات اور گھریلو تشدد کی وجہ سے جان سے ہاتھ دھو بیٹھتی ہیں۔
ان کا کہنا تھا کہ سندھ چائلڈ میرج ریسٹرینٹ ایکٹ 2013 کے باوجود اب بھی بہت سی نوجوان لڑکیوں کی کم عمری میں شادی کر دی جاتی ہے، ہر سال سینکڑوں خواتین کو جبری مشقت سے آزاد کیا جاتا ہے اور سندھ میں لاکھوں بچیاں تعلیم سے محروم ہیں۔
انہوں نے حکومت سے مطالبہ کیا کہ سندھ میں لڑکیوں کے لیے فوری طور پر مزید اسکول قائم کیے جائیں تاکہ وہ تعلیم حاصل کر سکیں، سندھ چائلڈ میرجز ریسٹرنٹ ایکٹ 2013 کے موثر نفاذ کو یقینی بنایا جائے اور سندھ بانڈڈ لیبر سسٹم ابالیشن ایکٹ 2015 کو بلا تاخیر نافذ کیا جائے۔
انہوں نے مطالبہ کیا کہ کسان اور محنت کش خواتین کو سندھ انڈسٹریل ریلیشن ایکٹ 2013 اور سندھ ایگری کلچر وومن ورکرز ایکٹ 2019 کے ذریعے یونینوں میں منظم کیا جانا چاہیے۔
انہوں نے مزید کہا کہ حکومت نے خواتین کو اپنے گھروں، زراعت کے کھیتوں اور دیگر کام کی جگہوں پر اپنے حقوق اور تحفظ کے لیے ٹریڈ یونینز بنانے کی ترغیب دینے کے لیے اقدامات نہیں کیے ہیں۔
