سندھ میں کم سے کم اجرت 40 ہزار مقرر، مرد و خواتین کو یکساں اجرت دینے کا حکم
سندھ حکومت نے صوبے میں کم سے کم اجرت میں 8 فیصد اضافہ کرتے ہوئے نئی اجرتوں کا نوٹیفکیشن جاری کردیا۔
نوٹیفکیشن کے مطابق نیم ہنر مند افراد کے لیے 41,280 اور ہنر مندوں کے لیے 48,910 کم از کم اجرت مختص کرنے کی تجویز دی گئی ہے۔
اس کے علاوہ نوٹیفکیشن میں اعلیٰ ہنر مند محنت کشوں کے لیے 50,868 روپے ماہانہ کم از کم اجرت مختص کرنے کی تجویز دی گئی ہے۔
کم از کم اجرت میں اضافہ سندھ منیمم ویجز ایکٹ 2015ء کے تحت کیا گیا ہے۔
مجوزہ نوٹیفکیشن پر اعتراضات یا تجاویز 14 دن کے اندر سیکرٹری کم از کم اجرت بورڈسندھ کو ارسال کی جا سکتی ہیں۔
کم از کم اجرت میں اضافہ یکم جولائی 2025 سے نافذ العمل ہوگا۔
مزدوروں کی اجرت میں 8.1 فیصد اضافہ تجویز کیا گیا ہے، روزانہ کی بنیاد پر کم از کم 192 روپے فی گھنٹہ ادا کرنے کی ہدایت کی گئی ہے۔
مذکورہ اجرتیں تمام رجسٹرڈ اور غیر رجسٹرڈ اداروں پر یکساں لاگو ہوں گی۔
قوانین کے مطابق خواتین ورکرز کو بھی مردوں کے برابر تنخواہ دی جائے گی، کم از کم اجرت کی خلاف ورزی پر قانونی کارروائی ہوگی۔
