ملیر میں موہن جو دڑو جیسا ہزاروں سال پرانا قصبہ دریافت

کراچی ڈویژن کے ضلع ملیر میں موہن جو دڑو سے مشابہت رکھنے والا ہزاروں سال قدیم چھوٹا قصبہ دریافت ہو اہے، جہاں خواتین کے زیورات، گھروں کے آثار اور پالتو جانوروں کے نشانات ملے۔

ضلع ملیر میں ہزاروں سال قدیم چھوٹا قصبہ دریافت ہوا ہے ، ماہر آثار قدیمہ رفیق بلوچ نے بتایا موہن جو دڑو سے مشابہت رکھنے والا اللہ ڈنو جومقام دریافت کیا گیا۔

رفیق بلوچ کا کہنا تھا کہ تاریخی مقام پر خواتین کے زیورات، گھروں کے آثار اور پالتو جانوروں کے نشانات ملے۔

ماہر آثار قدیمہ نے کہا کہ محکمہ آثار قدیمہ نے امریکی ماہرین کے اشتراک سے دریافت کیا تاہم محکمہ آثار قدیمہ نے ڈی سی ملیر کو تاریخی مقام محفوظ بنانے کے لیے خط ارسال کر دیا ہے۔