چاروں بیٹیوں کو اعلیٰ تعلیم دلانے پر ٹھری میرواہ کے والد کی تعریفیں
فوٹو: ٹوئٹر
شمالی سندھ کے ضلع خیرپور کے تعلقہ ٹھری میرواہ کے ایک گائوں کے استاد کی جانب سے اپنی چاروں بیٹیوں کو اعلیٰ تعلیم دلوانے پر سوشل میڈیا پر ان کی تعریفیں کی جا رہی ہیں جب کہ لوگوں نے ان کی بیٹیوں کو سندھ کی مثالی بیٹیاں بھی قرار دیا۔
ٹھری میرواہ کے شہر بوزدار وڈا کے قریبی گائوں دبی سے تعلق رکھنے والے اسکول ٹیچر قاصد حسین خاصخیلی کی جانب سے اپنی بیٹیوں کو اعلیٰ تعلیم کے لیے یونیورسٹیز بھیجنے پر ان کی تعریفیں کی گئیں۔
In Sindh, where some people think that imparting education to girls is ill and is a big sin, daughters of Ustad (teacher) Qasid Hussain Khaskheli of village Dubi near Bozdar Wada in Taluka Thari Mirwah, distt. Khairpur are shining role model.
++ pic.twitter.com/JTC8YDnBWc— Sartiyoon (@sartiyoon) October 27, 2022
خواتین کے لیے کام کرنے والی فلاحی تنظیم سرتیوں کے مطابق قاصد حسین خاصخیلی کی چار بیٹیوں میں سے تین بیٹیاں وفاقی دارالحکومت اسلام آباد کی قائد اعظم یونیورسٹی جب کہ ایک جامشورو کی لیاقت میڈیکل یونیورسٹی سے طب کی تعلیم حاصل کر رہی ہیں۔
Teacher Qasid Khaskheli invests on his daughters, 03 daughters study in QAU #Islamabad while one in LMC Hyderabad, he belongs to small village ThariMirWah #Khairpur How #Sindh changes pic.twitter.com/R70AwjisrJ
— @SaeedSangri (@saeedsangri) October 26, 2022
تنظیم کے مطابق قاصد حسین خاصخیلی کی بڑی صاحبزادی ناہید میر نے وہیں سے ماسٹر کرنے کے بعد اب ایم فل میں داخلہ لیا ہے جب کہ ان کی دوسری بیٹی نازش ناز بھی اسی یونیورسٹی سے انگریزی ادب میں ایم فل کر رہی ہیں۔
چھوٹے سے گائوں کے اسکول ٹیچر کی تیسری صاحبزادی ناشاد ناز قائد اعظم یونیورسٹی سے ہی ایل ایل ایم جب کہ سب سے چھوٹی صاحبزادی مہرین جامشورو کی لیاقت یونیورسٹی سے ایم بی بی ایس کی تعلیم حاصل کر رہی ہیں۔
منفي سوچ ۽ سنڌي سماج لاءِ منفي لکڻ وارن لاءِ عرض آهي هي بہ سنڌ اٿو… pic.twitter.com/cf8ZoDO6P5
— Azad | آزاد (@AzadAli7786) October 27, 2022
اسکول ٹیچر کی جانب سے بیٹیوں کو گھر تک محدود رکھنے کے بجائے انہیں اعلیٰ تعلیم کے لیے یونیورسٹیز تک بھیجنے پر سوشل میڈیا پر ان کی تعریفیں کی گئیں اور ان کی بیٹیوں کو سندھ کی مثالی بیٹیاں قرار دیتے ہوئے دوسری لڑکیوں کے لیے انہیں آئیڈیل بھی قرار دیا گیا۔
An Inspirational father and Proud Daughters to have a father Like Him .. 👏❤️QaDir Sb You R truly a Living Legend https://t.co/ARpWR3H6ob
— AQEEL 🖤 (@newRolepak33) October 27, 2022
ٹوئٹر پر لوگوں نے والد کے ہمراہ چاروں بیٹیوں کی تصویر کو شیئر کرتے ہوئے ان کے لیے نیک خواہشات کا اظہار کیا اور دوسرے والدین کو بھی اپیل کی کہ وہ بھی اپنی بیٹیوں کو قاصد حسین خاصخیلی کی طرح اعلیٰ تعلیم دلوائیں۔
https://twitter.com/AsgharNarejoo/status/1585317876105637889
قاصد حسین خاصخیلی اور ان کی چاروں بیٹیوں کا تعلق ایک ایسے ضلع سے ہے، جہاں پر فرسودہ روایات عام ہیں اور دیہاتوں کے لوگ بیٹیوں کو تعلیم دلوانے سے گریز کرتے ہیں جب کہ انہیں خود پر بوجھ سمجھ کر کم عمری میں ہی ان کی شادیاں کرادیتے ہیں۔
Welcome get together for 1st semester Mphil students with Dr Munawar Hussain at Area study Centre for Africa, North and South America Quaid I Azam University Islamabad. pic.twitter.com/0tCz4zKufH
— Nazish Khaskheli (@Naz111777) October 25, 2022
