میڈیکل رپورٹ میں چندا مہاراج نابالغ قرار 

فوٹو: ٹوئٹر

حیدرآباد سے رواں برس اگست میں پراسرار طور پر غائب ہوجانے والی ہندو لڑکی چندا مہاراج کی میڈیکل رپورٹ سے ان کی عمر 16 سال ہونے کی تصدیق کردی گئی، جس کے بعد عدالت نے انہیں مزید ایک ہفتے تک دارالامان بھیج دیا۔

یہ بھی پڑھیں: حیدرآباد سے اغوا ہونے والی چندا مہاراج نے مرضی سے مذہب تبدیل کرنے کا بیان دے دیا

چندا مہاراج رواں برس اگست میں فیکٹری سے گھر واپس آتے ہوئے پر اسرار طور پر غائب ہوگئی تھی اور ان کے والدین کی جانب سے دو ماہ تک احتجاج کرنے کے باجود پولیس ان کا کیس درج کرنے کو تیار نہ تھی۔

Chanda Maharaj wasn’t allowed to go with her parents despite proving the girl was a minor.

The court sent Chanda to a Shelter House, and the next hearing would be on October 31, 2022.

— Veengas (@VeengasJ) October 27, 2022

تاہم رواں ماہ اکتوبر کے آغاز میں بچی کے والدین کی جانب سے مقامی عدالت سے رجوع کیے جانے کے بعد پولیس نے عدالتی حکم پر مقدمہ دائر کرکے بچی کو دارالحکومت کراچی سے بازیاب کرواکر عدالت میں پیش کیا تھا۔

Chanda Maharaj wasn’t allowed to go with her parents despite proving the girl is 16yrs old.
She should be with her parents getting education, instead our law decided to ruin her future..
Shame on blind system that is risking lives of innocents for getting birth here. pic.twitter.com/Mg1rL7qkyf

— SorathSindhu (@SindhuSorath) October 27, 2022

پولیس نے گزشتہ ہفتے چندا مہاراج کو عدالت میں پیش کیا تھا،جہاں انہوں نے اپنی مرضی سے مذہب تبدیل کرنے کا بیان دیتے ہوئے بتایا تھا کہ انہوں نے شمن مگسی سے پسند کی شادی کرلی ہے۔

https://twitter.com/NarainDasBheel8/status/1585528152608194563

عدالت نے ان کا بیان ریکارڈ کرنے کے بعد انہیں داالامان بھیجتے ہوئے ان کا میڈیکل کروانے کا حکم دیا تھا، جس کے بعد پولیس نے 27 اکتوبر کو چندا مہاراج کو میڈیکل رپورٹ کے ساتھ عدالت میں پیش کیا گیا۔

اس حوالے سے صحافی وینگس نے اپنی ٹوئٹ میں بتایا کہ میڈیکل رپورٹ میں چندا مہاراج کے نابالغ ہونے کی تصدیق ہوگئی، ان کی عمر 16 برس بتائی گئی ہے۔

ڈاکٹر سورٹھ سندھو نے بھی ٹوئٹ میں بتایا کہ چندا مہاراج کی عمر 16 برس ہونے کے باوجود انہیں والدین کے ساتھ جانے کی اجازت نہیں دی گئی۔

Protests by Sindhi community in Pakistan to save Chanda Maharaj from her kidnappers who forcefully converted, married and gang-raped her #SaveChandaMaharaj pic.twitter.com/c0aKiGgJx6

— Monica Verma (@TrulyMonica) October 23, 2022

انہوں نے لکھا کہ بچی کو والدین کے ساتھ جانے کی اجازت دی جانی چاہیے، تاکہ وہ تعلیم حاصل کرکے اپنا مستقبل محفوظ بنائے۔

اسی حوالے سے مہاراج کمیونٹی کے رہنما مہیش مہاراج نے بتایا کہ میڈیکل رپورٹ میں بچی کے نابالغ ہونے کی تصدیق ہوگئی، تاہم عدالت نے انہیں 31 اکتوبر تک دارالامان بھیج دیا۔

انہوں نے امید ظاہر کی کہ آئندہ سماعت تک فیصلہ والدین کے حق میں آئے گا اور بچی کو والدین کے حوالے کردیا جائے گا۔

Chanda, a Hindu girl, was abducted from Hyderabad — recovered, and sent to a safe house.

Everyone can see she is afraid. It happens when the government doesn't protect people. pic.twitter.com/EI1w0JFdso

— Veengas (@VeengasJ) October 20, 2022