صوبوں کے قیام کے لیے پارلیمانی کمیٹی بنانے کے خلاف سندھ ایکشن کمیٹی کا احتجاج
فوٹو: سید زین شاہ، ٹوئٹر
ملک میں نئے صوبوں کے قیام کے لیے وفاقی حکومت کی جانب سے پارلیمانی کمیٹی کے قیام کے خلاف سندھ ایکشن کمیٹی کی جانب سے صوبائی دارالحکومت کراچی سمیت صوبے بھر میں احتجاج، مظاہرے اور بھوک ہڑتالیں کی گئیں۔
گرینڈ ڈیموکریٹک الائنس (جی ڈی اے) کی سندھ ایکشن کمیٹی کی جانب سے صوبائی دارالحکومت میں کراچی پریس کلب (کے پی سی) کے سامنے احتجاجی کیمپ لگائی گئی، جس میں سید زین شاہ کی قیادت میں لوگ بیٹھے اور اپنا احتجاج ریکارڈ کروایا۔
#SindhOnHungerStrike pic.twitter.com/Ykw8F3M5pA
— Sayed Zain Shah (@Sayed_ZainShah) January 7, 2023
احتجاجی کیمپ میں بیٹھے سید زین شاہ نے میڈیا سے بات کرتے ہوئے کہا کہ 1973 کے آئین میں نئے صوبوں کا کوئی ذکر موجود ہی نہیں، ملک میں نئے صوبوں کے قیام کے لیے پارلیمانی کوششیں کرنا اپنے ہی آئین کی خلاف ورزی ہے۔
اُنہوں نے یہ بھی کہا ہے کہ سندھ اسمبلی کے بجائے وفاق میں ہونے والے تمام فیصلے سندھ کے عوام کو ناقابل قبول ہیں۔
زرداري مافيا جي پيپلز پارٽي مافيا سنڌ کي ورھائي ۽ کپائي رھي آھي ، اڳتي وڌي جدوجھد ۾ ساٿ ڏيو
وقت ڪنھن قوم کي ھٿ تي ھٿ رکي ويھي عياشي ڪرڻ جو اجازت نامون ڪون ڏيندو آھي
لطيف چيو
جا جر جاٽون نہ ڏئي، ڏيئا نہ موھي
سڌون ڪوھ ڪري، سا پنھنجي ڪانڌ جون pic.twitter.com/nnCuCj4ZR9— Sayed Zain Shah (@Sayed_ZainShah) January 5, 2023
سید زین شاہ کے مطابق سندھ ایکشن کمیٹی کی کراچی پریس کلب کے امنے ہونے والی بھوک ہڑتال میں سندھ کی مختلف جماعتیں شریک ہیں جو کہ قومی اسمبلی میں نئےصوبوں کی تشکیل کے لیے بنائی گئی کمیٹی کے خلاف اپنا احتجاج ریکارڈ کروا رہی ہیں۔
Sayed Zain Shah, president Sindh United Party, sits on 24-hours hunger strike against a newly constituted committee for new provinces in Pakistan.@Sayed_ZainShah pic.twitter.com/GLayX4wfGl
— Mir (Imam B.) (@ImamBuxIB) January 8, 2023
صوبائی دارالحکومت کے علاوہ صوبے کے دیگر شہروں اور قصبوں میں بھی گرینڈ ڈیموکریٹک الائنس اور سندھ ایکشن کمیٹی سمیت مختلف سیاسی و سماجی تنظیموں کی جانب سے ملک میں نئے صوبوں کے قیام کے لیے بنائی گئی پارلیمانی کمیٹی کے خلاف مظاہرے اور احتجاج جاری ہیں۔
حیدرآباد پریس کلب کے باہر بھی عوامی تحریک کے سربراہ ایاز لطیف پلیجو کی سربراہی میں بھوک ہڑتال کی گئی۔
Now at Protest Camp, Press Club Hyderabad.#SindhOnHungerStrike pic.twitter.com/1elyyV1igZ
— Ayaz Latif Palijo (@AyazLatifPalijo) January 7, 2023
