کندھ کوٹ سے مغوی بچہ سمرت کمار بازیاب، تاحال متعدد بچے بازیاب نہ ہوسکے
سندھ پولیس نے شمالی سندھ کے ضلع کندھ کوٹ سے ایک ہفتہ قبل اغوا ہونے والے سات سالہ بچے سمرت کمار کو بازیاب کرانے کا دعویٰ کردیا، جب کہ ضلع سے اغوا ہونے والے تاحال کم از کم پانچ کم سن بچے تاحال بازیاب نہیں کرائے جا سکے۔
ایس ایس پی شکارپور امجد شیخ نے بازیاب کرائے گئے بچے کو گود میں اٹھاتے ہوئے میڈیا کو بتایا کہ بچے کو کچے کے ڈاکوئوں نے ایک ہفتے قبل اغوا کیا تھا، پولیس نے پوری پلاننگ سے بچے کی بازیابی ممکن بنائی۔ تاہم دوسری جانب بچے کو مبینہ خفیہ ڈیل سے بازیاب کرائے جانے کی چہ مگوئیاں بھی ہیں لیکن بچے کے ورثا نے اس کی تصدیق نہیں کی۔
Just released https://t.co/SuBOUpRdnM pic.twitter.com/IEBmRAmm3L
— @SaeedSangri (@saeedsangri) May 28, 2023
ایس ایس پی شکاپور امجد شیخ نے دعویٰ کیا ہے کہ ثمرت کو گڑھی تیگھو کی کچی آبادی میں ڈاکوؤں سے مقابلے کے بعد بازیاب کرایا گیا، پولیس نے چند ملزمان کو گرفتار کرلیا ہے۔
ذرائع کے مطابق مغوی لڑکے سمرت کمار کی بازیابی خفیہ ڈیل کے ذریعے کی گئی۔
کشمور کندھ کوٹ سے اغوا ہونے والے بچے ثمرت کمار کو ایس ایس پی شکارپور امجد شیخ نے بازیاب کرا لیا
بچے کے کندھ کوٹ پہنچنے پر جشن ۔ پورا شہرامنڈ آیا. ثمرت کمار کوپیار اور ان کے خاندان کو مبارکباد pic.twitter.com/KcvqTm39E9— Qazi Asif (@q_Asif) May 28, 2023
دوسری جانب ٹائم نیوز نے اپنی رپورٹ میں بتایا کہ ضلع کندھ کوٹ سے 3 معصوم بچوں سمیت 14 افراد تاحال ڈاکوؤں کے ہاتھوں یرغمال ہیں، مغوی بچوں میں 2 سالہ کوثر کھوسو، 3 سالہ محمد عظیم مینک اور 10 سالہ واجب علی گولو شامل ہیں۔
بچے محمد عظیم مینک کو 4 روز قبل رسالدار کے علاقے سے گھر کے باہر سے اغوا کیا گیا تھا۔
معصوم ٻارڙو سمرت ڪمار پنهنجي امڙ جي ڀاڪر ۾ آيو يقين ڪريو سموري ڪائنات ڄڻ سندس ڀاڪر ۾ آئي ان منظر کي ڏسي خوشي مان لڙڪ لڙي پيا هڪ پل سوچيم ته اهي ڪير آھن جيڪي اسان جي ٻچن کي اغوا ڪري امڙين جون جهوليون خالي ڪري کين روئارين ٿا 😭😭#kandhkotWantsPeace pic.twitter.com/Wp4p838k7g
— ᎪhMEd_احمد (@Ahmed_Sindhi786) May 29, 2023
بچے کوثر کھوسو کو 5 ماہ قبل اس کی والدہ نازیہ کے ہمراہ انڈس ہائی وے سے اغوا کیا گیا تھا۔
بازیاب بچے سمرت کمار کے والدین نے سندھ پولیس اور عوام کا شکریہ ادا کیا جب کہ بچے کی بازیابی کے بعد پولیس اور عوام نے بھی جشن منایا۔
کندھ کوٹ سے اغوا ہونے والا معصوم ثمرت کمار بازیاب ہوگیا۔۔ کس طرح جشن منایا جا رہا ہے۔ زبردست ایس ایس پی شکارپور امجد شیخ pic.twitter.com/54k5H4ZAOW
— Imtiaz Chandio (@imtiazchandyo) May 28, 2023
