سانگھڑ کی بسمہ سولنگی نے ڈرائیوروں کو نیند سے جگانے والا چشمہ تیار کرلیا

ضلع سانگھڑ کے چھوٹے سے گاؤں سے تعلق رکھنے والی ننھی سائنس دان 13 سالہ بسمہ سولنگی نے دیگر ساتھیوں کے ہمراہ مل کر ایک ایسا چشمہ تیار کرلیا جو ڈرائیور حضرات کو نیند سے دور رکھنے میں مدد فراہم کرے گا۔

سندھ میٹرز کو دستیاب معلومات کے مطابق بسمہ سولنگی اور اس کے دیگر ساتھیوں نے امریکی خلائی تحقیقی ادارے ’نیشنل ایروناٹکس ایںڈ اسپیس ایڈمنسٹریشن‘ (ناسا) کے تعاون سے ایک منصوبے کے تحت چشمہ تیار کیا۔

بسمہ سولنگی اور ان کے ساتھیوں نے اپنے پروجیکٹ کو ’اینٹی سلیپ گلاسز فار ڈرائیورز‘ کا نام دیا ہے اور انہوں نے اس منفرد چشمے کو بنانے کے لیے بہت محنت کی اور یہ کہ ان کا منصوبہ متعدد بار ناسا کی جانب سے مسترد بھی ہوا۔

تاہم اب جب بسمہ سولنگی اور ان کے ساتھیوں نے ڈرائیور حضرات کو نیند سے دور رکھنے والے چشمے کو تیار کرلیا، تب وہ اس کی ناسا میں نمائش کے لیے امریکا روانہ ہوچکے۔

امریکا روانگی سے قبل بسمہ سولنگی نے اے آر وائی نیوز کو بتایا کہ ان کا مذکورہ پروجیکٹ متعدد بار مسترد ہوا لیکن بعد ازاں انہیں ناسا میں اپنے منصوبے کے لیے فنڈنگ حاصل کرنے میں کامیابی ہوئی اور اب وہ امریکا جا رہے ہیں۔

ڈرائیور سو جائے تو بسمہ سولنگی کا تیار کردہ چشمہ جگا دے گا ۔ بسمہ سولنگی ناسا کے پروگرام میں شرکت کے لئے آج رات امریکہ جارہی ہے ۔ شاباش بسمہ سولنگی شاباش pic.twitter.com/vG4BWmfUwk

— Sanjay Sadhwani (@sanjaysadhwani2) July 14, 2023

انہوں نے بتایا کہ انہوں نے ایک ایسا چشمہ تیار کیا ہے جو ڈرائیور حضرات کو نیند سے دور رکھے گا اور اگر ڈرائیور حضرات گاڑی چلاتے وقت سونے کی کوشش کریں گے تو انہیں وہ چشمہ جھٹکے دے کر بیدار ہونے کوشش کرے گا۔

13 years' 6th class student Bisma Solangi from village Mulla Mukhan, Tando Adam invented glasses that do not allow to get sleep during driving. A project was offered by NASA. She along with her group mates left for USA to present her project. We wish her good luck. #bisma #Sindh pic.twitter.com/iKS5l4MMMy

— Amanullah Soomro (@amansoomro123) July 15, 2023

ان کا تیار کردہ چشمہ ابھی ابتدائی مراحل میں ہے اور ناسا کے ماہرین کی جانب سے اس کا جائزہ لیے جانے کے بعد اسے مزید بہتر بناکر عام کرنے یا نہ کرنے کا فیصلہ کیا جائے گا۔

سندھ کے چھوٹے سے گاؤں سے تعلق رکھنے والی بسمہ سولنگی کی جانب سے انتہائی اہمیت کا حامل چشمہ تیار کرنے پر سوشل میڈیا صارفین نے ان کی تعریفیں کرتے ہوئے ان کے لیے نیک خواہشات کا اظہار کیا۔

From innovation to inspiration, Bisma Solangi has shown us that determination knows no bounds! Her groundbreaking glasses will keep drivers safe on the road, ensuring no one falls asleep at the wheel. #BismaSolangi #PakistaniGirl #Pakistan #NASA #GloriousPakistan https://t.co/t7WXjuQoMx

— Glorious Pakistan (@GloriousPakis) July 15, 2023