گھروں کی تعمیر کے لیے سندھ کے 50 ہزار افراد کو پیسوں کی پہلی قسط دیدی: شیری رحمان

وفاقی وزیر برائے موسمیاتی تبدیلی و ماحولیاتی رابطہ سینیٹر شیری رحمان نے کہا ہے کہ چیئرمین بلاول بھٹو زرداری نے سندھ میں سیلاب سے متاثرہ بے گھر افراد کے لیے نئے گھروں کی تعمیر کا وعدہ کیا تھا جو دنیا کے سب سے بڑے بحالی منصوبے ’’سندھ پیپلز ہائوسنگ فار فلڈ ایفیکٹیز‘‘ کے تحت مکمل ہو رہا ہے۔

 اپنے ایک ٹویٹ میں انہوں نے کہا کہ‏گزشتہ سال کے تاریخی سیلاب سے صوبہ سندھ سب سے زیادہ متاثر ہوا تھا، لاکھوں گھر تباہ اور لوگ بے گھر ہوئے تھے

Last year's catastrophic mega floods hit Sindh province the hardest, leaving millions of houses destroyed and people displaced. Under the leadership of PPP Chairman @BBhuttoZardari , the Sindh Government initiated the world's largest rehabilitation project called 'Sindh People's… pic.twitter.com/vrPhDKMmw0

— SenatorSherryRehman (@sherryrehman) July 20, 2023

متاثرہ لوگوں کی بحالی اور تباہ شدہ گھروں کی تعمیر نو کیلئے چیئرمین بلاول بھٹو کی قیادت میں حکومت سندھ نے دنیا کے سب سے بڑے بحالی منصوبے’’ سندھ پیپلز ہائوسنگ فار فلڈ ایفیکٹیز‘‘ کا آغاز کیا جس کے تحت سیلاب سے متاثرہ بے گھر ہونے والے افراد کو نئے گھر کی تعمیر کیلئے مالی معاونت فراہم کی جا رہی ہے، گھر کی تعمیر کیلئے اب تک 50 ہزار افراد کو پہلی قسط فراہم کی گئی ہے، 5 ہزار متاثرہ لوگوں کو ان زمینوں کے مالکانہ حقوق دینے کا آغاز بھی ہو چکا ہے۔

انہوں نے کہا کہ چیئرمین بلاول بھٹو زرداری نے بے گھر افراد سے نئے گھر کی تعمیر کا وعدہ کیا تھا جو اس منصوبے کے تحت مکمل ہو رہا ہے، پیپلز پارٹی سیلاب متاثرہ لوگوں کی مکمل بحالی تک اس طرح کی کاوشوں کو جاری رکھے گی۔