لاڑکانہ کا کرکٹر عامر بروہی پی سی بی کی نظر کا منتظر
عامر بروہی نام کے شمالی سندھ کے ضلع لاڑکانہ کے باصلاحیت باؤلر کی فاسٹ بالنگ کی ویڈیوز وائرل ہونے کے بعد پاکستان کرکٹ بورڈ سے انہیں قومہ ٹیم میں شامل کرنے کا مطالبہ کیا جا رہا ہے۔
عامر بروہی نامی کرکٹر کی ویڈیو شیئر کرتے ہوئے فیاض نامی ٹوئٹر صارف نے لکھا کہ لاژکانہ سے قابلِ ذکر نوجوان خوبصورت ایکشن اور اچھی پیس والا باؤلر سامنے آیا ہے جو بال کو آسانی سے دونوں جانب سوئنگ کرنے کی قدرت رکھتا ہے۔
Hey @TheRealPCB
Young Aamir Brohi from Larkana looking at you https://t.co/KSfWIpctSv— @SaeedSangri (@saeedsangri) October 10, 2023
انہوں نے مزید لکھا کہ لیکن افسوس کی بات ہے کہ پاکستان کرکٹ بورڈ (پی سی بی) ہر سطح پہ اس کی صلاحیت کو نظرانداز کر رہا ہے اور ریجنل کوچز بھی سفارش نہ ہونے کی وجہ سے اسکے بارے میں غافل نظر آتے ہیں۔
صارف نے مزید لکھا کہ یہ افسوسناک ہے کہ بروہی جیسے کھلاڑیوں کو جو بہترین صلاحیتیں رکھتے ہیں صرف چھوٹے یا سندھ کے دیہی علاقے سے تعلق کی وجہ سے پیچھےرہ جائیں ۔
am sure there are many good players in Sindh but this video only shows He is an average bowler. https://t.co/2fRkTuS0Gh
— Taha (@taha_wajahat) October 10, 2023
انہوں نے طنزیہ انداز میں لکھا کہ کبھی کبھار ہی سندھ یا بلوچستان سے کوئی ٹیلنٹ سامنے آتا ہے لیکن ان ہی ناانصافیوں کی وجہ سے وہ بچے دل برداشتہ ہوکر کرکٹ چھوڑ دیتے ہیں کیونکہ اپنے دیہی علاقے کی وجہ سے انہیں اضافی رکاوٹوں کا سامنا کرنا پڑتا ہے۔
انہوں نے پی سی بی چیئرمین کو عامر بروہی کے ٹیلنٹ کی قدر کرنے کی اپیل کرتے ہوئے لکھا کہ زکا اشرف صاحب کو کچھ ادھر بھی نظر ڈالنی چاھئے سندھ میں کرکٹرز کیلئے حوصلہ افزائی کی کمی نظر آتی ہے۔ تاہم، عامر بروہی جیسے کھلاڑیوں کی قدر کرنا ضروری ہے۔
Sirf punjabi aasakta hay sindhi nahi https://t.co/cxI9c4MJ7Q
— asghar ali (@asgharali235733) October 10, 2023
ان سے اتفاق کرتے ہوئے دیگر ٹوئٹر صارفین نے بھی کرکٹ بورڈ کو عامر بروہی کے ٹیلنٹ کا نوٹس لینے کا مطالبہ کرتے ہوئے انہیں قومی ٹیم میں شامل کرنے کا مطالبہ کیا۔
خیال رہے کہ عامر بروہی کی شاندار کرکٹ کھیلنے کی ویڈیوز پہلی بار 2018 میں سامنے آئیں تھیں، وہ مقامی ٹیمز کے ساتھ ڈویژنل سطح کی لیگز کھیلتے ہیں اور انہیں مسلسل نظر انداز کیے جانے پر لوگوں نے اظہار افسوس بھی کیا۔
اتنے ٹیلنٹ ہونے کے باوجود عامر بروہی کو ،PSL میں نظر انداز کرنا افسوسناک ہے بس عامر بروہی کا قصور یہ کے ان کا تعلق براہوئی سے اگر عامر بروہی پٹھان یا پنجابی ہو تا تو اس وقت پاکستان کرکٹ ٹیم میں ہوتا مگر عامر کی بد قسمتی یہ کہ براہوئی ہے #PSL2020 #Amir_Brohi@TheRealPCB pic.twitter.com/FyOYtBvT4K
— Brahui Tawar media (@MediaTawar) December 7, 2019
