صنفی تشدد کے خلاف 16 دن کی عالمی مہم اختتام پذیر
نیشنل کمیشن آن دی اسٹیٹس آف ویمن (این سی ایس ڈبلیو) یو این ویمن اور حکومت جاپان کے تعاون سے وفاقی دارالحکومت اسلام آباد میں صنفی بنیاد پر تشدد کے خلاف 16 دن کی عالمی مہم 10 دسمبر کو اختتام پذیر ہوگئی۔
خیال رہے کہ صنفی بنیاد پر تشدد کے خلاف 16 دن کی سرگرمی ایک بین الاقوامی سول سوسائٹی کی زیر قیادت سالانہ مہم ہے، یہ ہر سال 25 نومبر کو خواتین کے خلاف تشدد کے خاتمے کے عالمی دن سے شروع ہوتی ہے اور 10 دسمبر کو انسانی حقوق کے دن پر ختم ہوتی ہے جو اس بات کی نشاندہی کرتی ہے کہ خواتین کے خلاف تشدد دنیا بھر میں انسانی حقوق کی سب سے بڑی خلاف ورزی ہے۔
اس سال پاکستان میں مذکورہ مہم ’کوئی جواز نہیں‘ کے سلوگن کے ساتھ 25 نومبر کو سندھ کے تاریخی مقام موئن جو دڑوسے کیا گیا،جس کے بعد بلوچستان کے دارالحکومت کوئٹہ، خیبر پختونخواہ کے دارالحکومت پشاور اور اختتام پر وفاقی دارالحکومت اسلام آباد میں اختتامی تقریب منعقد کی گئی۔
مہم کے دوران موئن جو دڑو سمیت تمام شہروں کے مقامات کو اورنج کلر کے ساتھ روشن کیا گیا، اس کے ساتھ ساتھ خواتین کے معاشی استحکام کی اہمیت پر مبنی اسٹریٹ تھیٹرز بھی پیش کیے گئے۔
اسلام آباد میں منعقد کی گئی اختتامی تقریب میں گھروں پر کام کرنے والے کارکنوں کے تعاون کو اجاگر کرنے کیلئے ایک نمائش کا بھی اہتمام کیا گیا، جس میں وہ خواتین شامل تھیں جنہوں نے اقوام متحدہ کے معاشی بااختیار بنانے کے اقدام کی مدد سے اپنی زندگیاں بدلں۔
اس سال اس مہم کو "خواتین اور لڑکیوں کے خلاف تشدد کو روکنے کے لیے سرمایہ کاری کریں” کی تھیم سے منایا گیا۔
این سی ایس ڈبلیو نےبرداشت پاکستان،دخترانِ پاکستان،رائٹ ٹو پلےاور اسلام آبادسائیکلنگ ایسوسی ایشن کےتعاون سے#16DaysOfActivism
کےآگاہی مہم کےدوران مسلسل تیسری مرتبہ Cyling Sunday کااہتمام کیاجسمیں چئیرمین CDAمہمان خصوصی تھے.اس سال سائیکلیسٹ کےساتھ خواتین کےبائیکرز نےبھی شرکت کی pic.twitter.com/AU7e0XiS7k— National Commission on the Status of Women (@ncswpk) December 10, 2023
اس سال مذکورہ مہم آئین پاکستان کی 50 ویں سالگرہ کے موقع پر چلائی گئی، جس کے تحت انصاف، مساوات اور انسانی وقار کے اصولوں کو برقرار رکھنے کے لیے عزم کا اعادہ کیا گیا۔
مہم کے اختتام پر وفاقی دارالحکومت اسلام آباد میں ایک تقریب منعقد کی گئی اور اس مہم کو قومی کمیشن برائے وقار نسواں نے یواین ویمن اور حکومت جاپان کے تعاون سے مکمل کیا۔
عالمی اور تاریخی مہم کے ذریعے نہ صرف خواتین اور بچیوں کے خلاف تشدد کے نازک مسئلے کو حل کیا بلکہ آئین پاکستان کی 50 ویں سالگرہ کے جشن کو بھی مارک کیا، جس سے بنیادی حقوق اور مساوات کے عزم کو تقویت ملی۔
Life, Zeal, and Zest – Incredible energy at stalls and brilliant work by Women Artisans of Pakistan at National Trade Fair.#HappeningNow #NoExcuse #کوئی_جواز_نہیں pic.twitter.com/f6Stpbyo0o
— UN Women Pakistan (@unwomen_pak) December 11, 2023
مہم کے اختتام پر منعقد تقریب میں نیشنل کمیشن آن دی اسٹیٹس آف ویمن کی چیئرپرسن نیلوفر بختیار نے خطاب کرتے ہوئے کہا کہ "جب ہم ان 16 دنوں کی سرگرمی کا اختتام کر رہے ہیں، تو آئیے اپنے آئین کے اصولوں کو تجارتی تحریک کے ساتھ جوڑیں، اجتماعی کوششوں اور معاشی تبادلے کے ذریعے، آئیے ایک ایسے پاکستان کی راہ ہموار کریں جہاں پاکستان کے ہر شہری کے لیے مساوات پروان چڑھیں، تشدد ختم ہو، اور خوشحالی آئے "۔
تقریب سے خطاب کرتے ہوئے یو این ویمن پاکستان کی کنٹری نمائندہ شرمیلا رسول نے کہا کہ "ہماری مہم کوئی جواز نہیں انصاف اور مساوات کے 50 سال کی یاد مناتے ہوئے، پاکستان کے آئین کے ساتھ کندھے سے کندھا ملا کر کھڑی ہے۔
From walking to cycling to riding on motorbikes, so delighted to witness & be a part of the evolution of women coming together in solidarity for 16 Days of Activism in 🇵🇰. Our hope to see a future with no VAW remains resolute!#NoExcuse#16DaysOfActivism pic.twitter.com/nipKBhsrkx
— Nilofar Bakhtiar (@NilofarBkhtiar) December 10, 2023
ان کا کہنا تھا کہ خواتین اور لڑکیوں میں کوئی جواز نہیں اور اسٹریٹجک سرمایہ کاری کو اپناتے ہوئے، ہم ہر شہری کے حقوق کی حفاظت کرنے والے آئینی ڈھانچے کو روشن کرتے ہیں، ایک ساتھ مل کر، ہم ایک ایسی قوم بناتے ہیں جہاں بہانے ختم ہو جائیں اور معاشی با اختیاریت بغیر کسی رکاوٹ کے سب کے لیے مساوی حقوق کے ساتھ جڑجائے ۔
تقریب سے خطاب کرتے ہوئے وفاقی وزیر برائے ثقافت جمال شاہ نے کہا کہ "ہمیں خواتین کے کردار کی حوصلہ افزائی کرنے کی ضرورت ہے کیونکہ وہ باخبر فیصلہ ساز ہیں۔ ایک معاشرہ تبھی ترقی کر سکتا ہے جب وہ اہم پالیسی فیصلوں میں خواتین کو جگہ فراہم کرے”
اس موقع پر وفاقی وزیر برائے انسانی حقوق خلیل جارج نے کہا کہ "کوئی جواز نہیں مہم ایک اصول سے زیادہ ہے، یہ ہمارا رہنما اصول ہے، ہمارا نقطہ نظر پالیسیوں سے آگے بڑھتا ہے، یہ ہمارے روزمرہ کے تانے بانے میں انسانی حقوق کو بُننے کے بارے میں ہے۔
