پہلے سندھ پریمیئر لیگ کا آغاز
پہلے سندھ پریمیئر لیگ (ایس پی ایل) کا صوبائی دارالحکومت کراچی میں آغاز ہوگیا اور پہلا میچ کراچی غازیز اور حیدرآباد بہادرز کے درمیان کھیلا گیا۔
سندھ پریمیئر لیگ کی افتتاحی تقریب میں پاکستان پیپلز پارٹی (پی پی پی) کی رہنما آصفہ بھٹو زرداری، شیری رحمٰن اور دیگر نے بھی شرکت کی جب کہ نگران وزیر اطلاعات سمیت دیگر نگران کابینا ارکان نے بھی شرکت کی۔
افتتاحی تقریب سے خطاب کرتے ہوئے آصفہ بھٹو زرداری نے کہا کہ سندھ پریمیئر لیگ دنیا کو بتائے گا کہ سندھ کے نوجوان کیا کرسکتے ہیں، لوگوں کو علم ہونا چاہئیے کہ سندھ میں ٹیلنٹ موجود ہے۔
سندھ پریمیئر لیگ 5 فروری تک نیشنل اسٹیڈیم کراچی میں جاری رہے گا اور جمعہ 26 جنوری کو سہ پہر 3 بجے لاڑکانہ چیلنجرز اور سکھر پیٹریاٹز آمنے سامنے ہوں گے اسی دن دوسرے میچ میں رات آٹھ بجے کراچی غازیز اور میرپور خاص ٹائیگرز آپس میں ٹکرائیں گے۔
Lights, camera, cricket action! Highlights from the spectacular opening ceremony of Sindh Premiere League! 🌟🏏#ZKBSPL #ZKB #AbKhelaySindh #sindhpremierleague pic.twitter.com/8Jw75UHneb
— Sindh Premier League (@spl20official) January 25, 2024
ہفتہ 27 جنوری کو پہلا میچ تین بجے بینظیر آباد لالز اور حیدرآباد بہادرز کے درمیان میچ کھیلا جائیگا جبکہ دوسرا میچ رات آٹھ بجے لاڑکانہ چیلنجرز اور میرپور خاص ٹائیگرز کے درمیان کھیلا جائیگا۔
اتوار 28 جنوری کو پہلے میچ میں تین بجے کراچی غازیز اور سکھر پیٹریاٹز کی ٹیمیں مدمقابل ہوں گیں جبکہ دوسرے میچ میں رات آٹھ بجے لاڑکانہ چیلنجرز اور بےنظیر آباد لالز ٹکرائیں گی۔
پیر 29 جنوری کو پہلے میچ میں میرپور خاص ٹائیگرز اور سکھر پیٹریاٹز آمنے سامنے ہوں گے جبکہ دوسرا میچ رات آٹھ بجے کراچی غازیز اور بینظیر آباد لالز کے درمیان کھیلا جائیگا۔
Action-packed moments: Karachi Ghazis vs. Hyderabad Bahadurs – the clash unfolds on the cricket canvas! 🏏📸 #ZKBSPL #ZKB #AbKhelaySindh #sindhpremierleague #khivshyda pic.twitter.com/7OCXsBtYZw
— Sindh Premier League (@spl20official) January 25, 2024
منگل 30 جنوری کو پہلا میچ تین بجے میرپور خاص ٹائیگرز اور حیدرآباد بہادرز کے درمیان کھیلا جائیگا جبکہ دوسرے میچ میں رات آٹھ بجے سکھر پیٹریاٹز اور بینظیر آباد لالز کی ٹیمیں آمنے سامنے ہوں گی۔
بدھ 31 جنوری کو پہلا میچ تین بجے کراچی غازیز اور لاڑکانہ چیلنجرز کا مابین ہوگا جبکہ دوسرے میچ میں حیدرآباد بہادرز اور سکھر پیٹریاٹز مدِ مقامل ہوں گی، یہ میچ رات 8 بجے ہی کھیلا جائے گا۔
جمعرات یکم فروری کو پہلے میچ میں تین بجے بینظیر آباد لالز اور میرپور خاص ٹائیگرز مقابلہ کریں گے جبکہ دوسرے میچ میں رات آٹھ بجے حیدرآباد بہادرز اور لاڑکانہ چیلنجرز کے درمیان جوڑ پڑے گا۔
جمعہ دو فروری کو کوالیفائر شام سات بجے کھیلا جائیگا، ہفتہ تین فروری کو پہلا ایلیمنیٹر شام سات بجے ہوگا۔
اتوار چار فروری کو دوسرا ایلیمینیٹر شام سات بجے کھیلا جائیگا جبکہ ایونٹ کا فائنل پیر 5 فروری کو شام سات بجے کھیلا جائے گا۔
“سندھ میں ٹیلنٹ کی کوئی کمی نہیں ہے اور انشاء ﷲ سندھ پریمیئر لیگ پوری دنیا کو دکھائے گی کہ سندھ دھرتی کے نوجوان کیا کرسکتے ہیں۔”
بی بی آصفہ بھٹو زرداری کا سندھ پریمیئر لیگ کی افتتاحی تقریب سے خطاب@AseefaBZ #چنو_نئی_سوچ_کو #sindhpremierleague pic.twitter.com/yflPXRM4ys— PPP (@MediaCellPPP) January 25, 2024
