مٹھی میں ہندو پریزائڈنگ افسر کو تھپڑ مارنے والے بااثر شخص کوقید کی سزا
سندھ کے صحرائی علاقے تھرپارکر میں 2022 کے بلدیاتی انتخابات کے دوران اقلیتی برادری سے تعلق رکھنے والے پریزائڈنگ افسر گھنشام داس ہندو بجیر کو تھپڑ مارنے والے بااثر شخص کو عدالت نے دو سال قید اور جرمانے کی سزا سنادی۔
اقلیتی پریزائڈنگ افسر ڈاکٹر گھنشام داس کو غلام محمد جونیجو نے بلدیاتی انتخابات کے دوران متعدد افراد کے سامنے تھپڑ رسید کیا تھا۔
مذکورہ واقعے کی ویڈیو سوشل میڈیا پر وائرل ہوگئی تھیں، جس کا اس وقت الیکشن کمیشن آف پاکستان (ای سی پی) نے نوٹس لیا تھا اور انتظامیہ کو حکم دیا تھا کہ ملزم کے خلاف کارروائی کی جائے۔
تھرپارکر میں 2022 کے بلدیاتی انتخابات کے دوران اقلیتی برادری سے تعلق رکھنے والے پریزائڈنگ افسر گھنشام داس ہندو بجیر کو تھپڑ مارنے والے بااثر شخص کو عدالت نے دو سال قید اور جرمانے کی سزا سنادی
تفصیلات کے لیے لنک پر کلک کریںhttps://t.co/2g5IUcs5by#SindhMatters #SindhElection pic.twitter.com/q2FGAQ6paP— Sindh Matters – سندھ میٹرز (@SindhMatters) February 17, 2024
بعد ازاں الیکشن قوانین کے تحت غلام محمد جونیجو کے خلاف مقدمہ دائر کرکے ان کے خلاف کیس چلایا گیا اور 17 فروری کو مٹھی کے جوڈیشل میجسٹریٹ شہاب الدین نظامانی نے مجرم کو سزا سناتے ہوئے انہیں جیل بھیج دیا۔
عدالت نے غلام محمد جونیجو کو دو سال قید اور جرمانے کی سزا سنائی، جس کے بعد پولیس نے انہیں تحویل میں لے کر انتہائی سخت سیکیورٹی میں انہیں جیل منتقل کردیا۔
