اللہ بخش یونیورسٹی جامشورو میں خاتون لیکچرر و طالبات کو ہراساں کیے جانے کا انکشاف
شہید اللہ بخش یونیورسٹی آرٹ اینڈ ڈیزائین جامشورو میں خاتون لیکچرار و وارڈن گرلز ہاسٹل کو ہراساں کئے جانے کے انکشاف پر یونیورسٹی انتظامیہ نے یونیورسٹی کے ڈپٹی ڈائریکٹرفنانس آصف علی شر کو معطل کردیا۔
وائس چانسلر اللہ بخش یونیورسٹی اربیلا بھٹو نے واقعے سے متعلق بتایا کہ شکایت ملنے کے بعد تحقیقات جاری ہے۔
اللہ بخش یونیورسٹی آرٹ اینڈ ڈیزائین جامشورو کی خاتون لیکچرار وگرلز ہاسٹل کی وارڈن راحیلہ اعوان نے گذشتہ روز ڈپٹی ڈائریکٹر فنانس کی جانب سے انہیں اور طالبات کو ہراساں کرنے کے حوالے سے سندھ ہائی کورٹ کی جانب سے قائم کردہ گرلز ریسکیو سینٹر میں درخواست جمع کرائی تھی اور انسانی حقوق کی تنظیموں کو بھی درخواست دی تھی۔
Jamshoro.There is a case reported of harassment of Girls Hostel Warden Ms.Rahila Awan against Mr.Asif Ali,he is the Director Finance of Girl's Rescue Incharge. According to the complainant Ms Rahila Awan that Director Finance Asif Ali is sending indecent messages on her WhatsApp https://t.co/asGZzXan20
— Sindh Women Lawyers Alliance (@SWLAOfficial) March 23, 2024
سوشل میڈیا پر خاتون ٹیچر کو ہراساں کرنے کی خبروں کے بعد آصف علی شر جو کہ انچارج ڈائریکٹر فنانس ہیں، انہوں نے ہراساں کرنے کی خبروں کی تردید کرتے ہوئے کہاتھا کہ وہ ایساسوچ بھی نہیں سکتے۔
خاتون کی شکایت کے بعد ڈائریکٹر فنانس کو معطل کرکے معاملے کی تفتیش شروع کردی گئی۔
