عذرا پیچوہو سندھ کی تمام میڈیکل اور محمد علی ملکانی دیگر یونیورسٹیز کے پرو چانسلر مقرر

وزیراعلیٰ سندھ اور صوبے کی تمام یونیورسٹیز کے چانسلر مراد علی شاہ نے صوبائی وزیر برائے بورڈز و جامعات محمد علی ملکانی کو سندھ بھر کی سرکاری جامعات (ماسوائے میڈیکل) کا پرو چانسلر مقرر کردیا۔

یونیورسٹیز کے چانسلر اور وزیر اعلیٰ سندھ نے صوبائی وزیر صحت عذرا فضل پیچوہو کو میڈیکل جامعات کا پرو چانسلر مقرر کردیا۔

اس حوالے سے سکریٹری بورڈز و جامعات عباس بلوچ نے باقاعدہ نوٹفکیشن بھی جاری کردیا۔

پرو چانلسر کے اختیارات یونیورسٹیز کے وائس چانسلر کے بعد کے ہوں گے اور ان کی مشاورت کے بغیر وائس چانسلر کوئی قدم نہیں اٹھا سکیں گے۔

سندھ بھر میں 2018 سے یونیورسٹیز کی چانسلری وزیر اعلیٰ کے پاس ہے، اس سے قبل گورنر صوبے کی جامعات کے چانسلر ہوا کرتے تھے۔