سکھر سے کم عمر ٹک ٹاکر روشنی لاکھو مبینہ طور پر اغوا
سکھر سے کم عمر ٹک ٹاکر لڑکی روشنی علی لاکھو کو مبینہ طور پر اغوا کر لیا گیا۔
روشنی علی لاکھو چھٹی کلاس کی طالبہ ہے، جسے مبینہ طور پر لاکھو کمیونٹی کے لوگوں نے ہی اس کے گھر سے اغوا کیا۔
اغوا کی وجہ روشنی علی کی فیملی اور لاکھو کمیونٹی کے لوگوں میں تنازع بتائی جاتی ہے۔
دوسری جانب پریس کانفرنس کرتے ہوئے روشنی علی کی والدہ نواب زادی لاکھو، والد غلام نبی لاکھو اور دادی حکیماں لاکھو نے بتایا کہ ملزمان زبردستی ان کے گھر میں گھس آئے اور لڑکی کو اغوا کرکے اپنے ساتھ لے گئے۔
ان کا کہنا تھا کہ ملزمان ممکنہ طور پر لڑکی کو قتل کر سکتے ہیں۔
انہوں نے پولیس سے فوری مداخلت کرتے ہوئے لڑکی کو بازیاب کرانے کی اپیل بھی کی۔
