سندھ بھر سے انٹرنیشنل ڈرائیونگ لائسنس کے اجرا کا آغاز

سندھ بھر کے شہریوں کے لیے خوش خبری اب صوبے کی تمام 11 ڈرائیونگ لائسنس برانچز سے اور گھر بیٹھے آن لائن انٹرنیشنل ڈرائیونگ پرمٹ حاصل کر سکتے ہیں۔

ڈپٹی انسپکٹر جنرل (ڈی آئی جی) ٹریفک و لائسنس اقبال دارا کا کہنا ہے کہ سندھ بھر میں انٹرنیشنل ڈرائیونگ لائسنس کے اجراء کا آغاز ہو گیا ہے] اب صوبے کے ڈرائیونگ لائسنس رکھنے والے شہری آن لائن ڈرائیونگ لائسنس پرمٹ بھی بنوا سکتے ہیں۔

ان کا کہنا ہے کہ پہلے یہ سہولت صرف کراچی کے علاقے کلفٹن کی ایک برانچ میں دستیاب تھی۔

ڈی آئی جی ٹریننگ اینڈ لیسنسنگ اقبال دارا کے مطابق اب انٹرنیشنل پرمٹ کے اجراء کا آغاز آن لائن اور سندھ بھر کی 11 ڈرائیونگ لائسنس برانچز سے کر دیا گیا ہے۔

انہوں نے بتایا کہ اس سلسلے میں 14ستمبر سے سندھ کے شہر، ڈویژنل شہروں حیدرآباد، نواب شاہ، میرپور خاص، سکھر اور لاڑکانہ کے علاوہ کراچی کی 6 ڈرائیونگ لائسنس برانچز سے انٹرنیشنل ڈرائیونگ پرمٹ جاری کیے جا رہے ہیں۔