سجاول سے تیل و گیس کے نئے ذخائر دریافت

ضلع سجاول سے ایک بار پھر تیل و گیس کے مزید نئے ذخائر دریافت ہوگئے۔

پاکستان پیٹرولیم لمیٹڈ کے مطابق ذخائر شاہ بندر بلاک میں واقع پتیجی کنوئیں سے ملے۔

ترجمان پاکستان پیٹرولیم لمیٹڈ کے مطابق گیس کی پیداوار کا تخمینہ 11.7ملین اسٹینڈرڈ کیوبک فیٹ یومیہ ہے۔

پی پی ایل کے مطابق تیل کی ابتدائی پیداوار کا اندازہ 198 بیرل یومیہ ہے، تاہم اس سے زائد بھی ہو سکتی ہے۔

رواں برس اس سے قبل بھی سجاول سے تیل و گیس کے ذخائر دریافت ہوچکے ہیں۔