سندھ میں سیلاب جیسی تباہی زندگی میں نہیں دیکھی، انجلینا جولی
انجلینا جولی نے ضلع دادو کے سیلاب سے مکمل طور پر تباہ ہونے والے علاقوں کا بھی دورہ کیا—
ایوارڈ یافتہ ہولی وڈ اداکارہ اور انسانی حقوق کی رہنما انجلینا جولی نے پاکستان میں سیلاب سے ہونے والی تباہی کو دنیا کے لیے خطرے کی گھنٹی قرار دیتے ہوئے کہا ہے کہ انہوں نے ایسی تباہی اپنی پوری زندگی میں نہیں دیکھی۔
Angelina Jolie in Dadu in Pakistan's Sindh province, Ground Zero for the floods that have devastated the country in recent weeks.
September 20, 2022. pic.twitter.com/p8hcBAVKEe
— best of angelina jolie (@bestofajolie) September 20, 2022
انجلینا جولی 20 ستمبر کو اپنے تین روزہ دورے پر پاکستان پہنچی تھیں، انہوں نے ملک کے تمام سیلاب سے متاثرہ علاقوں کا دورہ کیا، انہوں نے سندھ کے ضلع دادو سمیت ان علاقوں کا دورہ بھی کیا، جہاں سیلاب نے دیہات کے دیہات مکمل طور پر تباہ کردیے تھے۔
Angelina Jolie visiting IRC's response to the devastating floods in Pakistan — and for helping bring attention to the effects of the climate crisis. #Pakistanfloods2022 #pakistanflood pic.twitter.com/0paSoaVNLp
— where is the schedule for Yeri? (@cake5girl) September 20, 2022
انجلینا جولی کو اسلام آباد میں حکومتی وزرا اور اہم عہدیداروں نے سیلاب سے متعلق آگاہی بھی دی۔
انٹرنیشنل ریسکیو کمیٹی (آئی آر سی) کی جانب سے جاری کردہ بیان کے مطابق انجلینا جولی نے ضلع دادو میں سیلاب کی تباہی دیکھنے کے بعد کہا کہ انہوں نے سندھ جیسی تباہی اپنی پوری زندگی میں نہیں دیکھی۔
"I keep thinking that if more help does not come quickly they will not make it." Speaking from the heart, humanitarian and actress Angelina Jolie urged the international community to send more aid to flood victims in Pakistan.#etribune #news #angelinajolie #PakistanFloods pic.twitter.com/i3QtYz0Up0
— The Express Tribune (@etribune) September 21, 2022
انہوں نے کہا کہ سیلاب نے سندھ کے لوگوں کا سب کچھ تباہ کردیا، لوگوں آسمان تلے، ننگے، بھوکے اور بیماریوں کے ساتھ زندگی گزارنے پر مجبور ہیں۔
اداکارہ نے سیلاب سے سندھ میں ہونے والی تباہی کو دنیا کے لیے خطرے کی گھنٹی بھی قرار دیا اور کہا کہ پاکستان میں آنے والا سیلاب دنیا کے لیے ماحولیاتی تبدیلیوں کے اثرات کی گھنٹی ہے اور اگر اب بھی دنیا نے اقدامات نہیں کیے تو بہت بڑی تباہی آ سکتی ہے۔
Angelina Jolie cares and it shows ❤️
Thank you Angelina Jolie for visiting Pakistan again in its time of indescribable pain.
Thank you @RESCUEorg for all your help for the flood-affected people of Pakistan. pic.twitter.com/n4ASTe5VSd— Mehr Tarar (@MehrTarar) September 21, 2022
انجلینا جولی دورے کے دوران سندھ کی سیلاب متاثرہ خواتین سے گھل مل گئیں، انہوں نے خواتین و بچوں کو گلے لگایا اور ان کی ہمدرد بنیں۔
اداکارہ نے سیلاب متاثرہ خواتین اور بچوں کو یقین دہانی کرائی کہ وہ ان کی مدد کے لیے عالمی سطح پر آواز اٹھائیں گی۔
https://twitter.com/arminkahelic/status/1572912891069894667
بعد ازاں انجلینا جولی نے متعدد بار میڈیا سے بات کرتے ہوئے دنیا کو اپیل کی کہ پاکستان کی مدد کی جائے، یہاں بہت تباہی ہوئی ہے، دیہات کے دیہات اجڑ گئے ہیں۔
مذکورہ دورے سے قبل بھی انجلینا جولی 2010 کے سیلاب اور 2005 میں آزاد کشمیر میں آنے والے زلزلے کے دوران بھی پاکستان آئی تھیں۔
انجلینا جولی سے قبل ترک اداکارہ جلال آل نے بھی سندھ کے سیلاب متاثرہ علاقوں کا دورہ کیا تھا۔
“Nothing would mean anything if I didn’t live a life of use to others.” – Angelina Jolie pic.twitter.com/UC7I5FydC8
— ✨Raquel & her Minions✨ (@THENAGODOFWAR) September 22, 2022
انجلینا جولی کی جانب سے سیلاب متاثرہ علاقوں کا دورہ کرنے اور وہاں سیلاب متاثرین افراد میں گھل مل جانے پر ٹوئٹر پر ان کی تعریفیں کی گئیں اور ان کی انسان دوستی کو سراہا گیا۔
سندھ کے سوشل میڈیا صارفین نے انجلینا جولی کو سچی ہمدرد، انسان دوست اور بہادر خاتون قرار دیتے ہوئے پاکستانی شوبز شخصیات کو طعنے دیے کہ وہ لاہور اور اسلام آباد سے نکل کر دادو نہیں پہنچ پائے جب کہ انجلینا جولی نے امریکا سے سندھ پہنچ گئیں۔
انجلینا جولی تین دن کے دورے کے بعد 22 ستمبر کی رات کو پاکستان سے لوٹ گئیں اور ان کے دورے کو عالمی میڈیا نے بھی کوریج دی۔
"Climate change is not only coming, it's very much here."
UN refugee envoy Angelina Jolie raises the alarm during visit to Pakistan after devastating floods https://t.co/HRMJfmNfAZ pic.twitter.com/yLS2agNso2
— The National (@TheNationalNews) September 23, 2022
