سیلاب زدہ نئوں ڈیرو میں کتب میلے کا انعقاد
فوٹو: غازی حسین حیدری
سیلاب زدہ شمالی سندھ کے ضلع لاڑکانہ کے علاقے نئوں ڈیرو میں مختلف سماجی و فلاحی تنظیموں کی جانب سے کتابوں اور تعلیم سے شگف رکھنے والے افراد کے لیے کتب میلے کا انعقاد کیا گیا، جس میں ہزاروں افراد نے شرکت کی۔
Absolute great step by youth of Naudero for Book fare (once a year). They're spreading such a unique culture in our town. #Gratitude
@FayyazAbro pic.twitter.com/rZJ0CXIYxT— Iftikhar Babur Bhutto (@iftikhar_babur) November 20, 2022
نئوں ڈیرو میں گزشتہ چند سال سے سالانہ کتب میلے کا انعقاد کیا جا رہا ہے اور اس بار سیلاب کی تباہی کی وجہ سے خیال کیا جا رہا تھا کہ میلے کا انعقاد نہیں ہوگا، تاہم منتظمین نے کامیاب میلہ منعقد کرکے سیلاب زدہ افراد کے چہروں پر خوشیاں بکھیر دیں۔
کتب میلے کا اہتمام سوشل اویئرنس اینڈ ویلیفیئر ایسوسی ایشن، سرتیوں سکھیا سینٹر، سندھیکا اکیڈمی اور نیشنل بک فائونڈیشن کی جانب سے کیا گیا، جس میں مختلف اشاعت گھروں نے کتابوں کے اسٹال لگائے۔
سیلاب زدہ نئوں ڈیرو میں کتب میلے کا انعقاد۔ علم و ادب کے شائقین نے مالی تنگدستی کے باوجود دل کھول کر کتابیں خریدیں
تصاویر: غازی حسین حیدری/ سندھ میٹرز pic.twitter.com/4BnUDkvCP0
— Sindh Matters – سندھ میٹرز (@SindhMatters) November 20, 2022
کتب میلے میں کتابوں کے علاوہ کھانے اور پینے کے اسٹال بھی لگائے گئے جب کہ ثقافتی اشیا کے اسٹالز کو بھی کتب میلے کا حصہ بنایا گیا۔
کتب میلے کے منتظمین خالد کوری، فیاض ابڑو، عزیزاللہ کٹپر،کامران شیخ، منور ناریجو اور غازی حسین حیدری سمیت دیگر نے علاقے میں سیلاب کی تباہی کے با وجود کتب میلے کا انعقاد کرکے علاقہ مکینوں اور خصوصی طور پر ادب اور تعلیم سے وابستہ افراد کو تفریح کا موقع فراہم کیا۔
کتب میلے کے دوران کتابوں کو نصف قیمت پر فروخت کیا گیا اور علم و ادب کے شائقین نے سیلاب کی تباہی اور مالی تنگدستی کے باوجود بہت بڑی تعداد میں کتابیں خریدیں۔
