حافظ نعیم میئر بننے کی لاعلاج بیماری میں مبتلا ہیں، سعید غنی

صوبائی وزیر سعید غنی کا کہنا ہے کہ حافظ نعیم میئر بننے کی لاعلاج بیماری میں مبتلا ہیں، یہ کراچی میں نفرت کی سیاست کو فروغ دے رہے ہیں۔

اپنے بیان میں سعید غنی نے کہا کہ سراج الحق کراچی کے بلدیاتی نتائج پر اپنی معلومات درست کر لیں۔ پیپلز پارٹی اس وقت کراچی کی سب سے بڑی جماعت ہے۔

سعید غنی نے کہا کہ پیپلز پارٹی کے کراچی سے 5 قومی اور 7 صوبائی اسمبلی کے ارکان ہیں۔ کراچی نے پیپلز پارٹی کو مینڈٹ دیا ہے اور میئر بھی ہمارا ہی ہوگا۔

صوبائی وزیر نے مزید کہا کہ جماعت اسلامی رونا دھونا بند کرکے اپنی شکست تسلیم کرے۔