سیلاب کے ایک سال بعد حکومت کا سندھ میں 20 لاکھ گھر تعمیر کرانے کا اعلان
صوبائی حکمران جماعت پاکستان پیپلز پارٹی (پی پی پی) نے سیلاب کےایک سال بعد صوبہ سندھ میں سیلاب متاثرین افراد کو 20 لاکھ گھر بناکر دینے کا اعلان کردیا، تاہم ان گھروں کی تعمیر کتنے عرصے میں ہوگی اس حوالے سے کوئی وضاحت نہیں کی گئی۔
پیپلز پارٹی کے چیئرمین بلاول بھٹو زرداری نے 21 جولائی کو ضلع لاڑکانہ میں سیلاب متاثرین افراد میں تعمیر کیے جانے والے نئے گھروں کے مالکانہ حقوق کے دستاویزات تقسیم کرتے ہوئے اعلان کیا کہ پارٹی صوبے بھر میں 20 لاکھ نئے گھر تعمیر کروائے گی۔
سندھ کے سیلاب متاثرین کو گھروں کے مالکانہ حقوق دینے کا لاڑکانہ سے تعلق رکھنے والے پانچ ہزار افراد کو مالکانہ حقوق دے کر آغاز کردیا گیا ہے جس کو جلد صوبے بھر کے سیلاب متاثرہ اضلاع تک پھیلایا جائے گا۔#ApniZameenApnaMakaan #SindhPeoplesHousing pic.twitter.com/mkef31GpRr
— PPP (@MediaCellPPP) July 21, 2023
یہاں یہ بات واضح رہے کہ صوبائی حکومت کو سیلاب متاثرین کی بحالی اور گھروں کی تعمیر کے لیے دنیا بھر سے اربوں ڈالرز کی فلاحی امداد ملی ہے جب کہ متعدد ممالک نے مزید امداد کا اعلان کر رکھا ہے۔
سندھ میں 2022 میں سیلاب آیا تھا، جس سے کراچی ڈویژن کے علاوہ تقریبا تمام ڈویژنز متاثر ہوئی تھیں، تاہم سب سے زیادہ نقصان لاڑکانہ اور سکھر ڈویژن میں ہوا تھا جب کہ حیدرآباد ڈویژن کے دادو سائیڈ کے علاقے بھی بری طرح متاثر ہوئے تھے۔
آج میں بے حد خوشی محسوس کررہا ہوں کیونکہ سیلاب متاثرین سے ان کے مکانات کی تعمیر اور مالکانہ حقوق کی فراہمی کا جو وعدہ ہم نے کیا تھا، وہ آج پورا ہوا۔ یہ نئے گھر اور مالکانہ حقوق متاثرین کیلئے ایک خوشگوار زندگی کا آغاز ہیں – #ApniZameenApnaMakaan #RotiKapraMakaan… pic.twitter.com/PpdHk46dgA
— BilawalBhuttoZardari (@BBhuttoZardari) July 21, 2023
سیلاب میں سندھ کے ایک کروڑ سے زائد افراد متاثر ہوئے تھے جب کہ 20 لاکھ سے زائد مکانات بھی منہدم ہوگئے تھے اور تاحال لاکھوں افراد کھلے آسمان تلے زندگی گزارنے پر مجبور ہیں لیکن حکومت نے اب صوبے میں 20 لاکھ گھر تعمیر کرانے کا اعلان کردیا۔
بلاول بھٹو زرداری نے اپنے خطاب میں کہا کہ سندھ حکومت صوبے کے تمام متاثرہ علاقوں میں نئے گھروں کی تعمیر کروانے کے بعد اس کے مالکانہ حقوق بھی متاثرین کو دے گی۔
انہوں نے سیلاب سے متاثرہ لاڑکانہ کے گاوٌں وکیا سانگی کا دورہ بھی کیا، جہاں نئے گھروں کی تعمیر جاری ہے اور انہوں نے ضلع لاڑکانہ کے مختلف دیہات کی 5 ہزار خواتین میں تعمیر ہونے والے گھروں کے مالکانہ حقوق کے کاغذات بھی تقسیم کیے۔
لاڑکانہ: چیئرمین بلاول بھٹو زرداری کی گاؤں وکیا سانگی آمد، سیلاب متاثرین کے لئے تعمیر ہونے والے گھروں کا جائزہ لیا
لاڑکانہ: چیئرمین بلاول بھٹو زرداری کے ہمراہ وزیراعلی سندھ سید مراد علی شاہ بھی موجود
لاڑکانہ: چیئرمین بلاول بھٹو زرداری کو سیلاب متاثرین کے لئے سندھ پیپلزہاؤسنگ کے… pic.twitter.com/Ay7vYwKekR
— PPP (@MediaCellPPP) July 21, 2023
