کچے کے ڈاکوؤں کو پولیس نے نہیں، رب نے مارا، جھگڑا ختم، وزیراعلیٰ سندھ
وزیر اعلیٰ سندھ سید مراد علی شاہ نے یہ کہہ کر جھگڑا ختم کردیا کہ کچے کے بدنام ڈاکو جانو انڈھڑ کو نہ پنجاب پولیس نے مارا، نہ سندھ پولیس نے مارا، رب نے پولیس سے کرایا اور ہم نے انہیں جہنم رسید کیا۔
چند دن قبل سندھ اور پنجاب پولیس نے کشمور کے کچے میں بدنام ڈاکو جانو انڈھڑ کو دیگر 8 ساتھیوں کو الگ الگ مقابلوں میں ہلاک کرنے کا دعوی کیا تھا۔
دورۂ کشمور میں میڈیا سے گفتگو کے دوران مراد علی شاہ نے کہا کہ ہم نے ان بزدلوں کو جہنم رسید کیا، اس پر پولیس کو شاباش دیں، یہ کوئی کریڈٹ کی بات نہیں بس ڈاکو مرگیا۔
Kandhkot -Kashmore (July 30th, 2023) Sindh Chief Minister Syed Murad Ali Shah inspects the Machinegun recovered from the possession of dacoits in the Kashmore area. Inspector General of Police Ghulam Nabi Memon briefs him about the weapon. pic.twitter.com/RcIQZxj6sN
— Sindh Chief Minister House (@SindhCMHouse) July 30, 2023
مراد علی شاہ نے کچے میں تعینات اہلکاروں کیلئے اضافی بونس کا اعلان کرتے ہوئے کہا کہ کچے کے ڈاکو اب آخری سانسیں لے رہے ہیں۔
وزیر اعلی سندھ کا مزید کہنا تھا کہ گزشتہ 10 روز میں پولیس نے بڑی کامیابیاں حاصل کیں، اور 8 ڈاکو ہلاک 9 مغوی بازیاب کرا لیے ہیں، اگر 10 مزید مغویوں کو 10 دن کے اندر بازیاب کرایا گیا تو جوانوں کو انعامات اعزازات سے نوازہ جائے گا۔
بعد ازاں وزیر اعلی سندھ مراد علی شاہ گڈو دریا سندھ کا معائنہ کرنے پہنچے، جہاں سے کندھ کوٹ گھوٹکی پل کے منصوبے کا جائزہ لیا اور ایس ایس پی آفس میں میڈیا سے بات کرتے ہوئے بتایا کہ کشمور میں امن و امان کی بگڑتی صورت حال اور سیلابی صورت حال کا جائزہ لینے پہنچا ہوں۔
Kashmore: Sindh Chief Minister Syed Murad Ali talking to media said that the purpose of his visit was to review law & order of the area and to witness the flood situation at Guddu Barrage. pic.twitter.com/TiDRCbCkHw
— Sindh Chief Minister House (@SindhCMHouse) July 31, 2023
وزیراعلیٰ کا کہنا تھا کہ گزشتہ 10 روز روز میں پولیس نے بہترین کاکردگی دکھائی اور 8 بدنام ڈاکو جانو انڈھڑ سمیت ان کے ساتھیوں کو کیفر کردار تک پہنچایا اور دو بچوں سمیت 9 مغویوں کو بازیاب کرا لیا ہے۔
وزیراعلیٰ نے کہا کہ صدر آصف علی زرداری کی ہدایت پر کچے میں بے رحم ڈاکوؤں کے خاتمے کے لیے آئی جی سندھ کو سختی سے کہہ رہا ہوں کہ 10 مغوی اب بھی ڈاکوؤں کے قبضے میں ہیں، جن کو 10 روز کے اندر جلد بازیاب کرایا جائے تو جوانوں کو انعامات اعزازات سے نوازہ جائے گا۔
مراد علی شاہ کا کہنا تھا کہ شہداء اہلکاروں کی مراعات پنجاب کے برابر کی جائیں گی، اور زخمی پولیس اہلکاروں کا مکمل علاج گورنمنٹ کرائے گی۔ وزیر اعلی نے پولیس کے رسک الائونس اور دیگر کچے ڈیوٹی کرنے والے اہلکاروں کو کچہ الائونس دینے کا اعلان بھی کیا۔
