محکمہ صحت کا صوبے بھر میں میڈیکل کیمپس لگانے کا دعویٰ
—فوٹو: محکمہ صحت، ٹوئٹر
سندھ بھر میں بارشوں کی شدید تباہی اور صوبے بھر میں بیماریاں پھوٹ پڑنے اور اس سے اموات میں اضافے کے بعد صوبائی حکومت نے دعویٰ کیا ہے کہ حکومت نے تمام متاثرہ اضلاع میں میڈیکل کیمپس قائم کردی ہیں۔
سندھ حکومت کی جانب سے جاری ایک اور بیان میں بتایا گیا کہ بارشوں کے بعد وزیر صحت ڈاکٹر عذرہ فضل پیچوہو نے سندھ بھر میں موبائل کلینکس لگانے کے احکامات جاری کردیے ہیں اور کئی علاقوں میں پہلے سے ہی موبائل کلینکس خدمات سر انجام دے رہی ہیں۔
Following the directives of the Minister for Health, Sindh, Dr.@AzraPechuho, free medical and health camps have been established throughout the province. The camps are providing rain emergency relief as well as treatments for gastro, dengue, cholera and others. #SindhHealth (1/2) pic.twitter.com/Eh9Vnxfwqh
— Health, SW, PHE & RD Department, Sindh (@SindhHealthDpt) August 19, 2022
بیان میں دعویٰ کیا گیا کہ صوبائی وزیر کی ہدایات کے بعد بدین، دادو، حیدرآباد، جامشورو، مٹیاری، سجاول، ٹنڈو الہ یار، ٹنڈو محمد خان، ٹھٹھہ، کراچی، جیکب آباد، قمبر، کشمور، لاڑکانہ، شکارپور، میرپورخاص، تھرپارکر، سانگھڑ، شہید بینظیر آباد، گھوٹکی، خیرپور، اور سکھر، عمرکوٹ، نوشہرو فیروز میں فری ہیلتھ کیمپ لگائے جا چکے ہیں۔
بیان میں دعویٰ کیا گیا کہ یکم جولائی سے 18 اگست تک صوبے بھر میں کل 399 موبائل ہیلتھ کیمپ لگائے گئے جن میں 572 طبی اور 1056 پیرا میڈیکل اسٹاف کے ارکان دن رات خدمات سر انجام دے رہے تھے، علاوہ ازیں بارشوں سے متاثرہ تمام علاقوں میں تین ہزار 254 فکسڈ میڈیکل کیمپ بھی لگائے جا چکے ہیں، جہاں 4862 ڈاکٹرز جب کہ 9594 پیرامیڈیکل کے اسٹاف خدمات سر انجام دے رہے ہیں۔
From the 1st of July till 18th of August there have been 399 mobile health camps, with 572 medics & 1056 paramedics. There have been 3254 fixed camps, with 4862 medics & 9594 paramedics. They have so far treated 115,082 patients in total across the province. #SindhHealth (2/2) pic.twitter.com/ZkmPbvzWpG
— Health, SW, PHE & RD Department, Sindh (@SindhHealthDpt) August 19, 2022
بیان کے مطابق *موبائل ہیلتھ کیمپوں میں اب تک 27,962 مریضوں کا علاج کیا جا چکا ہے، جبکہ فکسڈ ہیلتھ کیمپوں میں 87,120 مریضوں کا علاج کیا گیا ہے۔
محکمہ صحت نے تسلیم کیا کہ بارشوں کے بعد صوبے بھر میں گیسٹرو، کالرا اور ہیضے سمیت دیگر امراض پھوٹ پڑی ہیں، تاہم بیماریوں کے باعث اب تک ہونے والی اموات سے متعلق کوئی رپورٹ جاری نہیں کی گئی۔
اندازے کے مطابق صوبے کے تمام اضلاع میں گیسٹرو سے ہزاروں افراد متاثر ہو چکے ہیں اور اسپتالوں میں ادویات کی سخت قلت کی خبریں بھی سامنے آ رہی ہیں۔
