سیلاب سے سندھ کے 42 فیصد اسکول تباہ، 25 لاکھ طلبہ متاثر
سردار شاہ نے عمرکوٹ میں پہلے ٹینٹ اسکول کا افتتاح کردیا—فوٹو: وزارت تعلیم،
سندھ بھر میں شدید بارشوں اور سیلاب سے 42 فیصد اسکول مکمل یا جزوی طور پر متاثر ہوچکے جب کہ تعلیمی اداروں کی بندش سے کم از کم 25 لاکھ طلبہ تعلیمی اداروں سے باہر ہیں۔
محکمہ تعلیم کے ادارے سندھ ایجوکیشن ریفارم سپورٹ یونٹ کے مطابق بارشوں اور سیلاب کے بعد کیے گئے ابتدائی سروے میں اگست کے اختتام تک صوبے کے 42 فیصد اسکول متاثر ہوچکے تھے۔
ادارے کے مطابق صوبے بھر میں زیادہ تر اسکول جزوی طور پر متاثر ہوئے تھے، تاہم ان میں تعلیمی سلسلے کو برقرار رکھنا ممکن نہیں۔
District-wise tentative data was collected and shared and updated. 42% of Schools are fully and partially damaged. A way forward plan was also shared according to the priorities to settle flood-affected families into IDP-converted schools and overcome the learning losses.
— Sindh School Education (@SELD_Sindh) August 26, 2022
رپورٹ میں بتایا گیاکہ صوبے کے ہزاروں اسکول مکمل طور متاثر ہوئے ہیں، تاہم اس حوالے سے مزید کوئی وضاحت جاری نہیں کی گئی تھی اور بتایا گیا تھا کہ مکمل سروے کے بعد ہی رپورٹ جاری کی جائے گی۔
دوسری جانب وزیر تعلیم سید سردار علی شاہ نے کہا ہے کہ بارشوں اور سیلاب سے صوبے بھر کے 25 لاکھ طلبہ متاثر ہوئے ہیں جو اس وقت تعلیمی اداروں سے باہر ہیں۔
at the sites of fully damaged schools, provision of critical teaching and learning materials, radio programmes/messages and strengthening coordination mechanisms for more effective response to on-going flood emergency in Sindh.
— Sindh School Education (@SELD_Sindh) September 2, 2022
سید سردار شاہ نے عمرکوٹ میں پہلے ٹینٹ اسکول کا افتتاح کرنے کے بعد میڈیا سے بات کرتے ہوئے بہت بڑی تعداد میں طلبہ کے اسکولوں سے باہر ہونے پر تشویش کا اظہار کرتے ہوئے تعلیمی سلسلے کو عارضی اسکولوں میں میں بحال کرنے کے عزم کا اظہار بھی کیا۔
ان کا کہنا تھا کہ شدید بارشوں اور سیلاب سے صوبے کے تعلیمی اداروں کی عمارتیں بھی متاثر ہوئی ہیں، جس میں متعدد عمارتیں ٹوٹ پھوٹ کا شکار ہوئی ہیں جب کہ بہت سارے تعلیمی اداروں میں پانی کھڑا ہوا ہے۔
محکمہ تعلیم حکومت سندھ کا بڑا قدم
وزیر تعلیم @sardarshah1 نے عمرکوٹ میں پہلےٹینٹ اسکول کا افتتاح کردیا
سندھ بھر میں ریلیف کیمپوں میں ٹینٹ اسکول قائم کرنے کا آغاز کردیا گیا
سیلاب کے باعث متاثرہ اسکول اور دربدر بچوں کی تعلیم متاثر ہونے نہیں دینگے وزیر تعلیم سردار شاہ pic.twitter.com/0GXBYXqcB7
— Minister Education & Literacy Government of Sindh (@MinisterEduGos) September 5, 2022
سید سردار شاہ کا کہنا تھا کہ انہوں نے سیکریٹری تعلیم سمیت دیگر اعلیٰ حکام کو تعلیمی اداروں کی عمارتوں کو پہنچنے والے نقصان کے سروے کرنے کے احکامات بھی جاری کردیے ہیں جب کہ حکام کو تمام اضلاع میں ٹینٹ اسکول قائم کرکے تعلیمی سلسلے کو بحال کرنے کے احکامات بھی جاری کردیے۔
وزیر تعلیم سندھ کا کہنا تھا کہ پہلے ہی کورونا کی وبا کی وجہ سے سندھ کی تعلیم متاثر ہوئی اور اب سیلاب کے باعث بھی وہی صورتحال پیدا ہوگئی ہے، تاہم حکومت کی اولین ترجیح تعلیم کا سلسلہ بحال کرنا ہے۔
بعد ازاں سید سردار شاہ بچوں میں گھل مل گئے اور انہوں نے بچوں کو مشہور سندھی نصابی نظم بھی پڑھوائی، جس کی ویڈیو سوشل میڈیا پر وائرل ہوگئی۔
The #SindhGovt Minister for Education is teaching flood affected children in first Tent school set up at Umerkot by the department. #TentSchoolInSindh#FloodsInPakistan #FloodsInSindh @BBhuttoZardari @MuradAliShahPPP @sardarshah1 pic.twitter.com/TIF5Wd3Eu1
— Minister Education & Literacy Government of Sindh (@MinisterEduGos) September 5, 2022
