آصف زرداری سے متعلق خبریں غلط، وہ جلد صحت یاب ہوجائیں گے، ڈاکٹر عاصم
فائل فوٹو: فیس بک
پاکستان پیپلز پارٹی (پی پی پی) کے رہنما اور سابق صدر آصف علی زرداری کے معالج ڈاکٹرعاصم حسین نے سوشل میڈیا پر پیپلز پارٹی کے شریک چیئرمین کی صحٹ سے متعلق پھیلنے والی خبروں کو جھوٹا قرار دیتے ہوئ کہا ہے کہ وہ جلد صحت یاب ہوکر اسپتال سے ڈسچارج ہوجائیں گے۔
Being personal physician of mr ASIF Ali Zardari. I would like to state that all his reports circulating are fake he is in good health and will be discharged in few days
— Dr. Asim Hussain (SI, NI) (@iDrAsim) October 6, 2022
آصف علی زرداری گزشتہ ماہ 27 ستمبر سے ضیاالدین اسپتال میں زیر علاج ہیں، ان کی بڑی صاحبزادی بختاور بھٹو زرداری پہلے ہی تصدیق کر چکی ہیں کہ ان کے والد کے پھیپھڑوں کے قریب پانی بھر گیا تھا، جسے پروسیجر کے ذریعے نکال دیا گیا۔
Being personal physician of mr ASIF Ali Zardari. I would like to state that all his reports circulating are fake he is in good health and will be discharged in few days
— Dr. Asim Hussain (SI, NI) (@iDrAsim) October 6, 2022
تاہم ایک ہفتے سے زائد وقت گزر جانے کے باوجود تاحال آصف علی زرداری اسپتال میں زیر علاج ہیں اور ایک روز قبل خبر سامنے آئی تھی کہ ان کے علاج اور ٹیسٹس کے لیے متحدہ عرب امارات (یو اے ای) کی ریاست دبئی سے خصوصی ڈاکٹرز طلب کیے گئے ہیں، جو ان کا جائزہ لینے کے بعد انہیں بیرون ملک منتقل کرنے یا نہ کرنے سے متعلق فیصلہ کریں گے۔
Today mr asif ali Zardari is much better and improving hale and hearty undergoing pulmonary physio
— Dr. Asim Hussain (SI, NI) (@iDrAsim) October 7, 2022
بعد ازاں سوشل میڈیا پر ان کی صحت سے متعلق افواہیں پھیلیں کہ انہیں چوتھے درجے کا کینسر لاحق ہے اور ڈاکٹرز نے انہیں جواب دے دیا ہے، تاہم ایسی افواہوں کے بعد ڈاکٹر عاصم نے وضاحت کی تھی کہ تمام رپورٹس غلط ہیں، آصف علی زرداری کی صحت بتریج بہتر ہو رہی ہے۔
ڈاکٹر عاصم نے اپنی ٹوئٹ میں بتایا تھا کہ سابق صدر کے نظام تنفس کی فزیو کی جا رہی ہے اور ان کی صحت بہتری کی جانب رواں ہے اور انہیں جلد اسپتال سے گھر جانے کی اجازت دی جائے گی اور انٹرنیٹ پر پھیلنے والی افواہوں پر یقین نہ کیا جائے۔
انہون نے اپنی سلسلہ وار ٹوئٹس میں بتایا کہ سابق صدر ایک یا دو روز میں اسپتال سے ڈسچارج ہوجائیں گے۔
Mr asif ali zadari has improved considerably and will be fit to leave hospital in a day or two
— Dr. Asim Hussain (SI, NI) (@iDrAsim) October 8, 2022
