کراچی سے پیروں کے گھر سے ایک اور نوجوان لڑکی اقصیٰ چانڈیو لاپتا
دارالحکومت کراچی میں ضلع خیرپور کے پیروں کے فلیٹ سے نوجوان لڑکی لاپتا ہوگئی، جس کا ایک ماہ گزرنے کے باوجود کوئی سراغ نہیں لگایا جا سکا۔
سندھ میٹرز کی جانب سے کی گئی تفتیش کے مطابق اقصیٰ چانڈیو نامی لڑکی گزشتہ چند سال سے مذکورہ پیروں کے فلیٹ پر اپنی چھوٹی بہن زینب چانڈیو کے ہمراہ ملازمت کرتی تھیں۔
دونوں بہنوں کو والدین نے پیر پاگاڑا کی خاتون کزن نعیما شاہ راشدی کے گھر ملازمت کے لیے رکھا تھا جو کہ پیر جو گوٹھ کے مریدوں کے گھرانے سے ہیں۔
اطلاعات کے مطابق نعیماں شاہ کے گھر سے 16 سالہ اقصیٰ چانڈیو گزشتہ ڈیڑھ ماہ سے لاپتا ہیں اور مقدمہ دائر ہونے کے باوجود تاحال ان کا سراغ نہیں لگایا جا سکا۔
Another young girl, house maid, Aqsa Chandio missing from a house of a #Sindhi Pir named Lalan Shah, originally from famous Pir Jo Goth. Family files police report in #Karachi this needs urgent attention from Police and @HRCP87 @amnestysasia @UNHumanRights copy of Police report… pic.twitter.com/Q33g8iQLGS
— Mushtaq Rajpar (@MushRajpar) September 26, 2023
اقصیٰ چانڈیو کی پراسرار گمشدگی سے متعلق 15 اگست کو کراچی کے درخشاں تھانے میں اغوا اور گمشدگی کا مقدمہ بھی دائر کیا گیا۔ مقدمہ لڑکی کے والد ایاز چانڈیو کی مدعیت میں دائر کیا گیا، جس کے بعد پولیس نے تاحال کوئی خاطر خواہ کامیابی حاصل نہیں کی۔
مذکورہ معاملہ دو دن قبل اس وقت منظر عام پر آیا جب سندھ کے مختلف سوشل میڈیا صارفین نے اقصیٰ چانڈیو کی پراسرار گمشدگی اور مبینہ اغوا سے متعلق ٹوئٹ کرنا شروع کیں۔
ایک اور حوا کی بیٹی پیر صاحب کی حویلی سے لاپتہ..!!!
خیرپور کی رہائشی اقصیٰ چانڈیو کراچی کے پوش علاقے ڈیفنس، سی ویو اپارٹمنٹ کے فلیٹ نمبر 16 میں
پیر گوٹھ کی مشہور درگاہ پیر صاحب پاگارو کے قریبی رشتہ دار لالن شاہ کی بہن نعیمہ شاہ کے گھر کام کرتی تھی جو کہ کچھ عرصہ سے لاپتہ ہوگئی… pic.twitter.com/T1R6R0PZLg— Syed Kamran Naqvi (@SyedKamran_) September 27, 2023
سندھی ٹی وی چینل ٹائم نیوز کے مطابق پولیس کا کہنا ہے کہ اقصیٰ چانڈیو ڈیفینس کے علاقے میں ساحل سمندر کے قریب واقع سی ویو اپارٹمنٹ کے قریب مبینہ طور پر اغوا ہوگئی اور والد نے ایف آئی آر میں ایک نامعلوم شخص کو بیٹی کے اغوا میں نامزد کیا۔
والد کی جانب سے ایف آئی آر میں بتایا گیا کہ اقصیٰ فلیٹ سے نیچے سامان لینے گئی، جہاں ایک نامعلوم شخص انہیں ورغلا کر اغوا کرکے لے گیا۔
پیروں کی ایک اور کارستانی ۔۔۔۔
ڈیفنس کے درخشاں تھانے میں ایف آئی آر درج کرائی گئی ہے کہ اقصیٰ چانڈیو سی ویو اپارٹمنٹ سے لاپتہ ہوگئی ہے۔ اقصیٰ چانڈیو کو اس کے والدین لالن شاہ کی بہن کے پاس بطور ملازمہ چھوڑ کے گئے تھے۔ لالن شاہ پیر جو گوٹھ کے گادی نشین کے قریبی رشتہ دار ہیں۔ pic.twitter.com/BkyJttRRvb— Tania Saleem Palijo (@TaniaPalijo) September 26, 2023
لاپتا لڑکی کے والد نے ٹائم نیوز کو بتایا کہ ان کی بیٹی کی گمشدگی کی اطلاع انہیں سیدہ نعیماں شاہ راشدی نے دی، جس کے بعد وہ کراچی پہنچے تو مذکورہ سیدہ نے انہیں اور ان کی اہلیہ کو دو دن تک کمرے میں قید کر دیا اور اس وعدے پر چھوڑا کہ اقصیٰ کی گمشدگی سے متعلق کہیں کوئی بات نہیں کی جائے گی۔
Where is Aqsa Chandio? Will she be another #Fatima?
A young house worker Aqsa was missing from the house of a Sindhi Pir Lalan Shah (Pir Jo Goth). An FIR has been filed in #Karachi but police failed to recover her yet.#RecoverAqsaChandio pic.twitter.com/vLGbcIwI9r
— THE SINDHI NARRATIVE (@TSNARRATIVES) September 27, 2023
ایاز چانڈیو نے خدشہ ظاہر کیا کہ ان کی نوجوان بیٹی کو نعیماں شاہ نے یا تو فروخت کردیا ہے یا پھر انہیں قتل کردیا گیا ہوگا۔
انہوں نے وزیر اعلیٰ سندھ، چیف جسٹس اور خود پیر پاگاڑہ سے بھی التجا کی کہ ان کی مدد کرکے ان کی بیٹی کو بازیاب کروایا جائے اور انہیں ذہنی پریشانی سے نجات دلائی جائے۔
Father of missing girl Aqsa Chandio fears his daughter either has been killed or sold by a pir family woman Naeema Shah. He accuses women of keeping him locked in her house for two days. Along with his wife he went to #Karachi to see his two girls working as maids in Pir Family’s… https://t.co/WS2NLaY3bg pic.twitter.com/5T5NmHip76
— Mushtaq Rajpar (@MushRajpar) September 27, 2023
پی پی رہنما کے گھر میں ملازمت کرنے والی نوجوان لڑکی کراچی سے غائب
