ٹک ٹاکر اقصیٰ کینجھر سیلاب متاثرین کیلئےعطیات جمع کرنے کے لیے متحرک

ٹک ٹاکر نے لوگوں سے زیادہ سے زیادہ عطیات دینے کی اپیل کی—فوٹو: فیس بک

سندھ بھر کے سیلاب متاثرین کی مدد اور ان کی بحالی کے لیے جہاں عام سوشل ورکر گروپس عطیات جمع کرنے میں متحرک دکھائی دیتے ہیں، وہیں معروف ٹک ٹاکر اقصیٰ کینجھر جمالی نے بھی متاثرین کے لیے فنڈز جمع کرنا شروع کردیے۔

ٹک ٹاکر نے اپنی ٹوئٹ میں متاثرین کے لیے فنڈز جمع کرنے کا اعلان کرتے ہوئے اپنے مداحوں اور عوام کو زیادہ سے زیادہ عطیات جمع کروانے کی اپیل کی۔

Please donate for flood victims as much as possible. This is your chance to help someone today, flood victims need your help, you can donate either of the following: money, old clothes, shoes, medicine, food, etc.

Aqsa Aziz
IBAn # PK96BAHL1020098102140901
Swift code: BAHLPKKA

— Aqsa Kinjhar Leela Jamali (@AqsaLeelaJamali) August 27, 2022

اقصیٰ کینجھر جمالی نے اپنا بینک اکاؤنٹ نمبر دیتے ہوئے عوام سے اپیل کی کہ وہ زیادہ سے زیادہ فنڈز جمع کروائیں تاکہ متاثرین کی جلد مدد اور بحالی کی جا سکے۔

انہوں نے لوگوں کو اپیل کی کہ وہ نہ صرف نقد رقم بلکہ استعمال شدہ کپڑے، بسترے، جوتے اور دیگر ضروری سامان بھی متاثرین کے لیے دے سکتے ہیں جب کہ متاثرہ افراد کے لیے ادویات کی بھی ضرورت ہوگی۔

I pray for all flood affected people. May they soon get help for their family. This is why we need dams in our country. But over the years pakistan never sorted out its priorities and kept chasing mirage. May Allah SWT have mercy on Pakistan.#FloodsInPakistan #ڈوب_رہا_ہے_پاکستان pic.twitter.com/OdnfBUIgLR

— Aqsa Kinjhar Leela Jamali (@AqsaLeelaJamali) August 27, 2022

ٹک ٹاک کی جانب سے ٹوئٹ کیے جانے پر مداحوں نے ان کی تعریف کی اور انہیں مدد کی یقین دہانی کروائی، تاہم بعض لوگوں نے انہیں مشورہ دیا کہ وہ کسی علاقے میں فنڈ ریزنگ کیمپ قائم کریں، جہاں لوگ آکر عطیات جمع کروائیں۔

اقصیٰ کینجھر جمالی کے علاوہ بھی دیگر شخصیات اور سماجی ارکان سیلاب متاثرین کے لیے فنڈز جمع کرنے میں مصروف ہیں اور پورے صوبے کے لوگ متاثرین کی مدد کے لیے آگے آ رہے ہیں۔

Kindly Retweet as much as you can & keep support the poor people.
No religion is higher than humanity as every religion of the world gives the clear message of peace, brotherhood & love. https://t.co/a63rG1UetA

— Leela Team Khanoo  (@LeelaTeam) August 27, 2022

اس وقت سیلاب سے صوبے کے سوا کروڑ سے زائد لوگ متاثر ہوچکے ہیں، جس میں لاکھوں لوگ تاحال کھلے آسمان تلے سیلابی پانی کے ساتھ رہنے پر مجبور ہیں اور ان کے پاس خوراک، ادویات اور بستروں کی سخت کمی ہے۔

اگرچہ سندھ حکومت سمیت بڑی فلاحی تنظیموں نے بھی امدادی سرگرمیاں شروع کردی ہیں، تاہم لوگ اتنے متاثر ہیں کہ حکومت اور فلاحی تنظیموں کی کارروائیاں بھی لوگوں کو ریلیف فراہم نہیں کر پا رہیں۔